Chempıonatqa álemniń jeti elinen 100-den asa sportshy keldi. Qazaqstan, Mońǵolııa, Qyrǵyzstan, Túrkııa, Reseı, Ýkraına, Qytaıdan 61 búrkit, 20 qarshyǵa, 15 ıtelgi qatysty. Álem birinshiliginde sportshylar “búrkit”, “qarshyǵa”, “ıtelgi” boıynsha synǵa tústi.
El.kz málimdeýinshe, qyran qustardyń básekesinde qazaqstandyq qusbegilerdiń baǵy jandy. Atap aıtqanda, «Búrkit» boıynsha bas júlde Serikbolsyn Babajanǵa (Qazaqstan) buıyrsa, ekinshi orynnan Ómirbek Numan (Qazaqstan) kórindi. Al úshinshi orynda Órken Báıtilkárip (Mońǵolııa) men Baıraq Tastanbek (Qazaqstan) bólisti.
– Qusymnyń aty – Janqııar. Jasy beste. Balapan kezinen baptadym. Osy jarystyń aldynda Qyrǵyzstanda ótken «Salbýryn-2022» halyqaralyq týrnırine qatystyq. Onda baby saı kelmese, Úrjarda babynda keldi. Nátıjesinde chempıon atandyq. Qýanyshtymyn! – dedi tuńǵysh álem chempıon S.Babajan.
"Adyrna" ulttyq portaly