قىزىلجاردا ۇيىتقىعان بوران سوعىپ ءارى جەردىڭ بەتى قاتىپ، تۇرعىندار ابدەن ابىگەرلەندى. قازىردە ءوڭىردىڭ كۇرە جولىن تازالاۋعا 23 تەحنيكا شىقتى، 19-ى تروتۋارلارداعى قاردى كۇرەپ جاتىر. ءۇش كولىك كوكتايعاققا قارسى ۇنتاق شاشۋدا، دەپ حابارلايدى "ادىرنا" ۇلتتىق پورتالى.
4 قاراشادان بەرى توقتاۋسىز جاۋعان قار سوڭى بورانعا ۇلاستى. كوكتايعاق بولىپ، جولدا وننان استام كولىك اپاتى تىركەلدى.
قازىر پەتروپاۆل كوشەلەرىندە قار تازالاۋ جۇمىستارى قارقىندى جۇرگىزىلىپ جاتىر. جاۋعان قاردىڭ قالىڭدىعى، شامامەن، 7 مم.
- وكىنىشكە قاراي، قولايسىز اۋا رايىنا بايلانىستى ءبىر كۇندە قالادا 14 جول-كولىك وقيعاسى ورىن الدى. قۇرباندار مەن زارداپ شەككەندەر جوق. قازىر اۋا رايى بۇزىلىپ، كوشە كوكتايعاق بولىپ جاتىر. سوندىقتان قالا تۇرعىندارىنان جولدا مۇقيات ءارى اباي بولۋدى سۇرايمىن، - دەدى پەتروپاۆل قالاسىنىڭ اكىمى رۋسلان يانباەۆ.سقو پد مالىمەتتەرى بويىنشا، تاڭعى ساعات 8-دەن باستاپ جكو بويىنشا بەس ءوتىنىش كەلىپ تۇسكەن، جول اپاتى تۋرالى حابارلامالار ءالى دە كەلىپ جاتىر.
"ادىرنا" ۇلتتىق پورتالى
ۇقساس جاڭالىقتار
