Qyzyljarda uıytqyǵan boran soǵyp ári jerdiń beti qatyp, turǵyndar ábden ábigerlendi. Qazirde óńirdiń kúre jolyn tazalaýǵa 23 tehnıka shyqty, 19-y trotýarlardaǵy qardy kúrep jatyr. Úsh kólik kóktaıǵaqqa qarsy untaq shashýda, dep habarlaıdy "Adyrna" ulttyq portaly.
4 qarashadan beri toqtaýsyz jaýǵan qar sońy boranǵa ulasty. Kóktaıǵaq bolyp, jolda onnan astam kólik apaty tirkeldi.
Qazir Petropavl kóshelerinde qar tazalaý jumystary qarqyndy júrgizilip jatyr. Jaýǵan qardyń qalyńdyǵy, shamamen, 7 mm.
- Ókinishke qaraı, qolaısyz aýa raıyna baılanysty bir kúnde qalada 14 jol-kólik oqıǵasy oryn aldy. Qurbandar men zardap shekkender joq. Qazir aýa raıy buzylyp, kóshe kóktaıǵaq bolyp jatyr. Sondyqtan qala turǵyndarynan jolda muqııat ári abaı bolýdy suraımyn, - dedi Petropavl qalasynyń ákimi Rýslan Ianbaev.
SQO PD málimetteri boıynsha, tańǵy saǵat 8-den bastap JKO boıynsha bes ótinish kelip túsken, jol apaty týraly habarlamalar áli de kelip jatyr.
"Adyrna" ulttyq portaly
