جايىقتىڭ ۇزدىك جاستارى انىقتالدى

961

21 قاراشا كۇنى ح.بوكەەۆا اتىنداعى باتىس قازاقستان وبلىستىق دراما تەاترىندا «ازاماتتىق باستامالاردى قولداۋ ورتالىعى» مەن قر قوعامدىق دامۋ مينيسترلىگىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى جۇزەگە اسىرعان قازاقستان جاستارىن الەۋمەتتەندىرۋگە باعىتتالعان JasQZ جوباسىن قورتىندىلاۋ بويىنشا سالتاناتتى شارا  ءوتتى.

         سالتاناتتى ءىس-شارا باتىس قازاقستان وبلىستىق فيلارمونياسىنا قاراستى وركەستردىڭ كۇيىمەن اشىلدى.

        JasQZ جوباسى اياسىندا ۇيىمداستىرىلعان «مەنىڭ تاڭداۋىم» بايقاۋى 6 باعىتتان تۇردى. وندا باتىس قازاقستان وبلىسىنىڭ 9-11 سىنىپ وقۋشىلارى مەن جوعارى وقۋ ورنى ستۋدەنتتەرى 6 باعىتتىڭ ءبىرىن تاڭداپ، ءوزارا باسەكەگە ءتۇستى.

«ۇلتتىق قۇندىلىق» باعىتى بويىنشا ۇزدىكتەردىڭ سالت-ءداستۇر بويىنشا بىلىكتىلىگى اۋىزشا سۇراقتارعا جاۋاپ بەرۋ ارقىلى انىقتالدى. قازىلاردىڭ شەشىمىمەن «جاس ەتنوگراف» اتالىمىمەن بقو، اقجايىق اۋدانى، ەسەنساي وجببم وقۋشىسى گاديلجانوۆا گۋلناز جانە ج.دوسمۇحامەدوۆ اتىنداعى پەداگوگيكالىق كوللەدجىنىڭ ستۋدەنتى ءشارىپوۆا ءبيبىنۇر ماراپاتتالدى.

«اسكەري-پاتريوتتىق» باعىت بويىنشا ۇزدىكتەر «مەملەكەتتىڭ قورعانىس قابىلەتى قايتسە بەكەم بولادى؟» اتتى تاقىرىپتا ەسسە جازۋ ارقىلى انىقتالدى. قازىلاردىڭ شەشىمىمەن اسكەري-پاتريوتتىق «جاس ۇلان» اتالىمىمەن ورال قالاسىنىڭ №36 جوبم وقۋشىسى ماحۋتوۆا ديلناز جانە جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ ستۋدەنتى سانسىزباەۆ رايىمجان ماراپاتتالدى.

«زياتكەرلىك» باعىت بويىنشا ۇزدىكتەر ماتەماتيكا ساباعى بويىنشا سىناق تاپسىرۋ ارقىلى انىقتالدى. قازىلاردىڭ شەشىمىمەن اتالىمىمەن ورال قالاسىنىڭ №43 جوبم وقۋشىسى جۋماسيتوۆ سانجار جانە م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنتى لاتيفوۆ سانجار ماراپاتتالدى.

   «شىعارماشىلىق» باعىت بويىنشا ۇزدىكتەر ۇلتتىق اسپاپتاردا ونەر كورسەتۋ ارقىلى انىقتالدى. قازىلاردىڭ شەشىمىمەن «ۇزدىك ونەرپاز» اتالىمىمەن ورال قالاسىنىڭ №46 جوبم قادىرعاليەۆا مادينا  جانە جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ ستۋدەنتى دجۋماگاليەۆا التىن ماراپاتتالدى.

«الەۋمەتتىك بەلسەندىلىك» باعىتى بويىنشا ۇزدىكتەر قوعامنىڭ دامۋىنا تەگىن ەڭبەك ەتكەنىن دالەلدەيتىن قۇجاتتارىن (ديپلوم، العىس حات، فوتو-ۆيدەو ايعاقتار ج.ت.ب.) ۇسىنۋ ارقىلى انىقتالدى. قازىلاردىڭ شەشىمىمەن «ۇزدىك ەرىكتى» اتالىمىمەن بقو، اقجايىق اۋدانى، بىتىك مەكتەپ بالاباقشا وقۋشىسى سارسەنگازيەۆا گۋلايناز جانە ورال گاز، مۇناي جانە سالالىق تەحنولوگيالار كوللەدجىنىڭ ستۋدەنتى گۋباشەۆ ارگەن ماراپاتتالدى.

«سپورتتىق» باعىت بويىنشا ۇزدىكتەر قاشىقتىققا جۇگىرۋ، كەرمەگە (تۋرنيك) تارتىلۋ جارىستارى ارقىلى انىقتالدى. قازىلاردىڭ شەشىمىمەن «ۇزدىك سپورتشى» اتالىمىمەن ورال قالاسىنىڭ №6 جوبم وقۋشىسى ۋتەپكاليەۆ نۇرجان جانە باتىس قازاقستان گۋمانيتارلىق اكادەمياسىنىڭ ستۋدەنتى بەكەجان نۇرلىحان ماراپاتتالدى.

JasQZ جوباسى اياسىندا ۇيىمداستىرىلعان «مەنىڭ تاڭداۋىم» بايقاۋىنىڭ جەڭىمپازدارىن ەلىمىزگە بەلگىلى ءامىرجان قوسانوۆ، راسۋل جۇمالى سىندى قوعام قايراتكەرلەرى تابىستادى.

قازاقستان جاستارىن الەۋمەتتەندىرۋگە باعىتتالعان JasQZ جوباسىن قورتىندىلاۋ بويىنشا سالتاناتتى شارا بارىسىندا، سونداي-اق، وسى شارانىڭ جۇزەگە اسىرۋعا بەلسەندى ات سالىسقان مامان، قىزمەتكەرلەر دە ماراپاتالدى.

JasQZ جوباسىن قورتىندى شاراسىنا «ازاماتتىق باستامالاردى قولداۋ ورتالىعى» باسقارما توراعاسىنىڭ ورىنباسارى  ورالوۆا گۇلنار الىمجانقىزى ارنايى كەلىپ قاتىسىپ، قۇتتىقتاۋ ءسوز سويلەدى.

 

ايتا كەتۋ كەرەك، 19 قاراشا كۇنى JasQZ جوباسى اياسىندا «ادىرنا» ۇلتتىق-ەتنوگرافيالىق بىرلەستىگى باتىس قازاقستان وبلىسى سىرىم اۋدانىندا الاش مۋزەيى مەن الاش اللەياسىندا جەرگىلىكتى وقۋشىلارمەن ەكسپەديتسيا ۇيىمداستىردى. الاش مۋزەيىندە بالالار الاش ارىستارىنىڭ شىعارمالارىن جاتقا وقىپ، ءوز ونەرلەرىن ورتاعا سالدى. جۇرەگى قازاق دەپ سوعاتىن جالىندى جاستاردىڭ ءوسىپ كەلە جاتقانى ءبىزدى وتە قاتتى قۋانتادى.

20 قاراشا كۇنى ورال قالاسىنداعى «اتامەكەن» ويىن-ساۋى ورتالىعىندا قالانىڭ ۇزدىك شىققان جاستارىن سالتاناتتى تۇردە ماراپاتتاپ، ولاردىڭ اراسىندا دا ارقان تارتۋ، اسىق ويناۋ، قول كۇرەستىرۋ ءتارىزدى ۇلتتىق ويىنداردان جارىستار ۇيىمداستىرىلدى. ۇلتتىق ويىن تۇرلەرىنەن وتكەن جارىستىڭ جەڭىمپازدارى قولونەرشىدەر جاساعان ۇلتتىق بۇيىمدار سىيعا تارتىلدى. ودان كەيىن سول كۇنى بالالار قالا سىرتىنداعى «سايات» ەتنو-تۋريستىك ورتالىعىندا اپارىلدى. وندا ولار اتا-بابا جىلقى مالى تۋرالى اتبەگىلەر اڭگىمەلەردىڭ اڭگىمەسىن تىڭدادى، ورتالىققا ەكسكۋرتسيا جاسادى، ەڭ سوڭىندا بارلىعى دا ءبىر اتقا ءمىنىپ ۇيرەندى. قالا بالالارى ءۇشىن اتقا ءمىنۋ وتە ۇلكەن قۋانىش بولدى. كوڭىلى كوتەرىلىپ، ءبىر سەرگىپ قالعان بالالار اۆتوبۋستىڭ ىشىندە پاتريوتتىق اندەر ايتىپ قالاعا وتە كوڭىلدى ورالدى.

 

جالپى، جوبانىڭ ۇزدىك شىققان جۇزدىكتەرىنە ارنايى تىكتىرىلگەن كۇرەشەلەر، كۋالىكتەر، توسبەلگىلەر تاراتىلدى. سونىمەن بىرگە، ولارعا مادەنيەتتانۋشى، ەتنوگراف بەردالى وسپاننىڭ «قازاق سالتتارىنىڭ ءىنجۋ-مارجاندارى» اتتى كىتاپ سىيعا تارتىلدى.

 

JasQZ جوباسى – جاستاردىڭ بويىنداعى جاقسى قابەلەتتەردى اشاتىن، پاترويتتىق سەزىمدى وياتاتىن، بوس ۋاقىتتارىن ءتيىمدى پايدالانۋعا باعىتتايتىن، ولاردى تۇلعا رەتىندە قالىپتاستىراتىن وتە قاجەتتى الەۋمەتتىك جوبا. بۇل جوبا ەلدىك مۇددە تۇرعىسىنان ارمەن قاراي جالعاسىن تابۋى كەرەك دەپ ەسەپتەيمىز.

ارمان سەرىكۇلى،

«ادىرنا» ۇلتتىق-ەتنوگرافيالىق بىرلەستىگىنىڭ ديرەكتورى

پىكىرلەر