حالىقارالىق وليمپيادالاردا جۇلدەلى ورىن العان وقۋشىلار العاش رەت اقشالاي سىياقى الدى

2722
Adyrna.kz Telegram

قازاقستاندىق وقۋشىلار وليمپيادالارعا قاتىسۋ تاريحىندا العاش رەت اقشالاي سىياقىعا يە بولدى، دەپ جازادى "ادىرنا" ۇلتتىق پورتالى. 

حالىقارالىق پاندىك وليمپيادالاردىڭ 27 وقۋشىسى 73 ملن تەڭگەدەن استام قارجى الدى. بۇل پرەزيدەنت قاسىم-جومارت توقاەۆتىڭ دارىندى بالالاردى ىنتالاندىرۋ جونىندەگى تاپسىرماسىنىڭ ارقاسىندا مۇمكىن بولدى. سونداي-اق 27 مەدال يەگەرى ەلىمىزدىڭ جوعارى وقۋ ورىندارىندا تەگىن وقۋعا مۇمكىندىك الادى.

وقۋشىلار بىلىمدەرى ارقاسىندا تاپقان سىياقىنى قالاي جۇمساۋدى جوسپارلاپ وتىرعاندارىن ايتتى.

«بيىل وسىنداي بەدەلدى وليمپياداعا العاش رەت قاتىستىم. وعان كوپ دايىندالدىم. ارينە، وقۋ-اعارتۋ مينيسترلىگىنىڭ ەل ىشىندە وتكىزگەن وليمپيادالارىنىڭ ارقاسىندا ەلىمىزدى الەمدىك ارەنادا لايىقتى كورسەتۋگە مۇمكىندىك الدىم. ەلىمىزدى ابىرويمەن تانىتا العانىما قۋانىشتىمىن. گەوگرافيادان قاتىسقان وليمپيادادا جەڭىسكە جەتكەنىم ءۇشىن العان اقشامنىڭ ءبىر بولىگىن دەپوزيتكە سالۋدى جوسپارلاپ وتىرمىن. قالعانىن اتا-اناما بەرەمىن. مۇنداي اقشالاي ماراپاتتار بىزگە ۇلكەن ىنتا-جىگەر، موتيۆاتسيا بەرەدى، كەلەسى جىلى باسەكە بۇدان دا جوعارى بولاتىنىنا سەنىمدىمىن. الداعى جىلى وسى وليمپياداعا تاعى دا قاتىسقىم كەلەدى»، - دەدى گەوگرافيادان حالىقارالىق وليمپيادانىڭ (IGeO) التىن جۇلدەگەرى سانجار حاميتوۆ.

قالعان جەڭىمپازدار دا العان جۇلدەلەرىن دەپوزيتكە سالىپ، اتا-انالارىنا بەردى. سونىمەن قاتار سىيلىقتار ساتىپ الدى.

مەملەكەت باسشىسىنىڭ تاپسىرماسىن ورىنداۋ اياسىندا وقۋ-اعارتۋ مينيسترلىگى حالىقارالىق پاندىك وليمپيادالاردىڭ جەڭىمپازدارىنا 1,5 ملن-نان 4,5 ملن تەڭگەگە دەيىن سىياقى تاعايىنداعان بولاتىن. بۇعان دەيىن وقۋ-اعارتۋ ءمينيسترى اسحات ايماعامبەتوۆ ايتقانداي، بيىل تىزىمگە 7 وليمپيادا كىرسە، كەلەسى جىلى ول تاعى 7 وليمپيادامەن تولىعادى.

2022 جىلى ۇلتتىق قۇراما ەل قورجىنىنا 3 التىن، 15 كۇمىس جانە 9 قولا مەدال اكەلدى.

"ادىرنا" ۇلتتىق پورتالى 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket