Halyqaralyq olımpıadalarda júldeli oryn alǵan oqýshylar alǵash ret aqshalaı syıaqy aldy

2684
Adyrna.kz Telegram

Qazaqstandyq oqýshylar olımpıadalarǵa qatysý tarıhynda alǵash ret aqshalaı syıaqyǵa ıe boldy, dep jazady "Adyrna" ulttyq portaly. 

Halyqaralyq pándik olımpıadalardyń 27 oqýshysy 73 mln teńgeden astam qarjy aldy. Bul Prezıdent Qasym-Jomart Toqaevtyń daryndy balalardy yntalandyrý jónindegi tapsyrmasynyń arqasynda múmkin boldy. Sondaı-aq 27 medal ıegeri elimizdiń joǵary oqý oryndarynda tegin oqýǵa múmkindik alady.

Oqýshylar bilimderi arqasynda tapqan syıaqyny qalaı jumsaýdy josparlap otyrǵandaryn aıtty.

«Bıyl osyndaı bedeldi olımpıadaǵa alǵash ret qatystym. Oǵan kóp daıyndaldym. Árıne, Oqý-aǵartý mınıstrliginiń el ishinde ótkizgen olımpıadalarynyń arqasynda elimizdi álemdik arenada laıyqty kórsetýge múmkindik aldym. Elimizdi abyroımen tanyta alǵanyma qýanyshtymyn. Geografııadan qatysqan olımpıadada jeńiske jetkenim úshin alǵan aqshamnyń bir bóligin depozıtke salýdy josparlap otyrmyn. Qalǵanyn ata-anama beremin. Mundaı aqshalaı marapattar bizge úlken ynta-jiger, motıvaııa beredi, kelesi jyly báseke budan da joǵary bolatynyna senimdimin. Aldaǵy jyly osy olımpıadaǵa taǵy da qatysqym keledi», - dedi geografııadan halyqaralyq olımpıadanyń (IGeO) altyn júldegeri Sanjar Hamıtov.

Qalǵan jeńimpazdar da alǵan júldelerin depozıtke salyp, ata-analaryna berdi. Sonymen qatar syılyqtar satyp aldy.

Memleket basshysynyń tapsyrmasyn oryndaý aıasynda Oqý-aǵartý mınıstrligi halyqaralyq pándik olımpıadalardyń jeńimpazdaryna 1,5 mln-nan 4,5 mln teńgege deıin syıaqy taǵaıyndaǵan bolatyn. Buǵan deıin Oqý-aǵartý mınıstri Ashat Aımaǵambetov aıtqandaı, bıyl tizimge 7 olımpıada kirse, kelesi jyly ol taǵy 7 olımpıadamen tolyǵady.

2022 jyly ulttyq qurama el qorjynyna 3 altyn, 15 kúmis jáne 9 qola medal ákeldi.

"Adyrna" ulttyq portaly 

Pikirler
Redakııa tańdaýy