بۇگىن ءماجىلىستىڭ جالپى وتىرىسىنان كەيىن ىشكى ىستەر ءمينيسترى جۋرناليستەردىڭ سۇراقتارىنا جاۋاپ بەردى، دەپ حابارلايدى "ادىرنا" ۇلتتىق پورتالى.
جۋرناليستەردىڭ «قاراعاندى قالاسىندا جەدەل جاردەم جۇرگىزۋشىسىن ۇرعان ادام نەگە ۇستالماي جاتىر؟» دەگەن سۇراعىنا مينيستر «ءيا، سونداي فاكتى بولدى. قىلمىستىق ءىس قوزعالدى. بۇگىنگى كۇندە سول كۇدىكتى ىزدەۋدە. ىزدەۋ شارالارى ءجۇرىپ جاتىر» دەپ قىسقا جاۋاپ بەردى.
ەسكە سالايىق، 28 قاڭتاردا جەدەل جاردەم قىزمەتكەرلەرى دەنە قىزۋى كوتەرىلگەن جانە قىزىلشاعا كۇدىگى بار بالانى اۋرۋحاناعا اكەتپەك بولىپ مايقۇدىقتاعى اۋلالاردىڭ بىرىنە كەلگەن. سول ساتتە وتەر جول قالدىرمادىڭ دەپ نارازىلىق بىلدىرگەن ەر ادام جۇرگىزۋشىنى سوققىعا جىققان.
جەدەل جاردەم جۇرگىزۋشىسىن ۇرعان كۇدىكتى نۇربولات داكەباەۆ ءۇش كۇنننەن بەرى ۇستالماي جاتىر. بۇل قۇقىق قورعاۋ قىزمەتكەرىنىڭ سالعىرتتىعى ەمەس پە؟
پوليتسەيلەر قاراعاندىنىڭ بارلىق ساۋدا ۇيلەرى، باعانالار، اۋلالارداعى دۇكەندەر مەن ءدارىحانالاردا مايقۇدىقتا جەدەل جاردەم كولىگىنىڭ جۇرگىزۋشىسىن ۇردى دەگەن كۇدىكتى نۇربولات داكەباەۆ ىزدەستىرىلىپ جاتقانى تۋرالى حابارلامالار ءىلدى. ەر ادام اسا قاۋىپتى قىلمىسكەر بولماعاندىقتان، كۇدىكتىنى ىزدەۋ شارالارى 2-ساناتقا جاتادى.
قازىر جابىرلەنۋشى وبلىستىق اۋرۋحانادا ميدىڭ شايقالۋى، قابىرعاسىنىڭ جابىق سىنۋى، باس سۇيەك گەموتوماسى سىندى دياگنوزبەن ەم قابىلداپ جاتىر. دەنساۋلىققا قاساقانا زيان كەلتىرۋ فاكتىسى بويىنشا قىلمىستىق ءىس قوزعالعان. بۇل وقيعاعا قاتىستى دەنساۋلىق ساقتاۋ ءمينيسترى اجار عينيات الەۋمەتتىك پاراقشاسىندا پىكىر ءبىلدىرىپ، مۇنداي جاعداي قۇقىق قورعاۋ ورگاندارىنىڭ دەڭگەيىندە دە، قوعامدا دا قاتاڭ ايىپتالۋى ءتيىس دەدى. سونداي-اق، تەرگەۋ ءىسىن تىكەلەي نازاردا ۇستايتىنىن مالىمدەدى.
