«سەرجان براتان» - بار جوعى 12 سەريادان تۇراتىن تۋىندى. از ۋاقىت ىشىندە 49 ميلليونعا جۋىق قارالىم جينادى. ءار ەپيزود ءبىر كۇننىڭ ىشىندە ميلليون قارالىمعا يە بولدى. تengrinews رەداكتسياسى كورەرمەنننىڭ كوزايىمىنا اينالعان تانىمال سەريالدىڭ رەجيسسەرىمەن سۇحباتتاسىپ، كوپتىڭ كوكەيىندە جۇرگەن سۇراقتارعا جاۋاپ الدى، دەپ حابارلايدى "ادىرنا" ۇلتتىق پورتالى.
«سەرجان براتان» سەريالىنىڭ سيۋجەتى 90-شى جىلدارى باستاۋ الادى. وق ءتارىزدى وتكىر تاكاپپار، جالتاق، قاتال، رەكەت سەرجان (جاس كەزىن رۇستەم جانىمانوۆ, ال ۇلكەن سەرجاندى دۋلىعا اقمولدا وينايدى) بۇكىل اۋداندى قورقىنىشتا ۇستايدى، ودان ءبارى قورقادى، ول كوبىن مەنسىنبەيدى جانە ونى ءبارى سىيلايدى. بىراق جاڭا ۋاقىت اعىمىمەن قاراقشىلار جاپپاي زاڭداستىرىلا باستايدى جانە سەرجان ولاردىڭ قاتارىنا قوسىلعىسى كەلگەندە باقىتسىزدىققا ۇشىراپ كوماعا ءتۇسىپ، 23 جىل بويى سول كۇيدە جاتادى. 23 جىلدان سوڭ ويانعان سەرجان 2020 جىلعا تاپ بولادى. مۇلدەم باسقا الەم، باسقا ورتا، باسقا قوعام جانە باسقا وتباسى. ءوزىنىڭ ايەلى ءتىپتى تاتە اتالىپ (گۇلميرا جاكيلينا) جانە ەكى بالاسى: ونى جەك كورەتىن قىزى، پوليتسيا قىزمەتكەرى (جانەل سەرعازين) جانە مىنەزى جۇمساق ۇلى، جاس بلوگەر (ەربول ءالمۇحان). ەندى سەرجانعا جاڭا ومىرگە، جاڭا ادامدارعا ۇيرەنىسۋ قاجەت بولادى. ومىردەن ءوز ورنىن تاۋىپ، بارلىق جاڭالىقتاردى قابىلداۋى كەرەك.
وقيعا سيۋجەتى كوپتى قىزىقتىرىپ، جاقىندا عانا ءوز نۇكتەسىن قويعان بۇل سەريال ەندى جالعاسىن تابا ما؟
بۇل سۇراققا Salem Social Media ديرەكتورى رۋستام يۋسۋپوۆ جاۋاپ بەردى:
"مەن ءۇشىن كورەرمەن رەتىندە وقيعا اياقتالدى. بۇل فينال. جالعاسى تۇسىرىلسە بالكىم، ول قيىنعا سوعۋى مۇمكىن. ءبىز دە، الىشەر دە ( الىشەر ۋتەۆ - سەريال رەجيسسەرى، پروديۋسسەرى) سيۋجەتتى قايتالاعىمىز كەلمەيدى، ءبىرىنشى ماۋسىمعا سىيمايتىن وقيعا جاساعىمىز كەلمەيدى. 90-شى جىلدارداعى سەرجاندى كورسەتۋ يدەياسى بار. بىراق ءبىز بۇل ويدى، ەندى تالقىلاپ جاتىرمىز" دەپ جاۋاپ بەردى.
الىشەر ۋتەۆ جانە رۋستام يۋسۋپوۆ سەريالدى ءتىپتى شەت ەلدەردەن تاماشالاعاندار بولعانىن، قازاقستاندا وسى سىندى تۋىندىلاردى ءتۇسىرۋ ءۇشىن ءبىر سەريانى تۇسىرۋگە 2,5 ميلليوننان استام قاراجات قاجەت ەكەنىن جانە ءوز سوزدەرىندە ەلىمىزدە كاسىبي اكتەرلەردىڭ جەتىسپەيتىندىگىن اتاپ ءوتتى.
"ادىرنا" ۇلتتىق پورتالى
