TikTok qazaq tılıne audarylmaq. Būl turaly Astana Media Week forumynda Şyǧys Europadaǧy TikTok Global Business Solutions direktory jäne TikTok Kazakhstan kompaniiasynyŋ bolaşaq basşysy Anastasiia Panina mälımdedı, dep habarlaidy “Adyrna” ūlttyq portaly.
«Sifrlyq sauattylyq – basymdyq. Bız Qazaqstandaǧy serıktesterımızge jaqyn bolǧymyz keledı. Qazırgı taŋda bız jobalardyŋ sanyn arttyru üşın TikTok qosymşasyn audaru baǧytynda jūmys ısteudemız. Sonyŋ ışınde qazaq tılı de bar. Bız üşın qoldanuşylardyŋ qauıpsızdıgı bärınen de joǧary. Bız qoǧamdastyqtardyŋ erejelerın belsendı jaŋartyp otyramyz. Auditoriia platformany qalai paidalanu kerektıgın bılu maqsatynda bılım beru jobalarynyŋ ülken sanyn ıske qosudamyz», – dedı spiker.
Anastasiia Paninanyŋ aituynşa, Qazaqstandaǧy auditoriia öte şyǧarmaşyl.
«Mysaly, himiia pänınıŋ mūǧalımı Ūlan Üsenov ülken tanymaldyqqa ie boldy. Sebebı ol himiia turaly tanymdy aityp beretını sonşalyq, sabaqtary öte qyzyqty», – dedı ol.
