بۇگىن باتىس قازاقستان وبلىسىندا 25 قازان - رەسپۋبليكا كۇنىنە وراي مەملەكەتتىك تۋ سالتاناتتى تۇردە كوككە كوتەرىلىپ، ءانۇرانىمىز شىرقالدى.
وبلىس اكىمى عالي ەسقاليەۆ جيىنعا قاتىسۋشىلاردى رەسپۋبليكا كۇنىمەن قۇتتىقتاپ، بۇل كۇننىڭ ەگەمەن ەلىمىز ءۇشىن
ايرىقشا ماڭىزعا يە ەكەنىنە توقتالدى.
- بارشاڭىزدى بۇگىنگى تاۋەلسىز ەلىمىز ءۇشىن ايشىقتى مەرەكە رەسپۋبليكا كۇنىمەن قۇتتىقتايمىن! ءبىزدىڭ مەملەكەتىمىز جاس مەملەكەت بولعانىمەن بولاشاعىمىز ايقىن،
ماقساتىمىز انىق. الداعى جەتەر جەتىستىگىمىزدىڭ جولىندا ءبارىمىز بىرگە جۇمىلا جۇمىس ىستەۋىمىز قاجەت. ارقايسىڭىزعا مىقتى دەنساۋلىق، وتباسىلارىڭىزعا بەرەكە تىلەيمىن، - دەگەن ءوڭىر باسشىسى ەل دامۋىنا ايرىقشا ۇلەس قوسقان ازاماتتاردى قر پرەزيدەنتى قاسىم-جومارت توقاەۆتىڭ العىسحاتىمەن ماراپاتتادى.
ولاردىڭ قاتارىندا باتىس قازاقستان وبلىسى قازاقستان حالقى اسسامبلەياسى
جانىنداعى «دوستىق» كلۋبىنىڭ جەتەكشىسى
تالعات چۋدوباەۆ، ورال قالاسى اقپاراتتىق-
تالداۋ جانە جاستارمەن جۇمىس جونىندەگى
رەسۋرستىق ورتالىعىنىڭ باسشىسى دۋلات
جۇسىپقاليەۆ، «Cinema Park» كينوتەاترىنىڭ
ديرەكتورى ديلارا مۇحامبەتوۆالار بار. سونداي-اق ورال قالاسى № 34 «بالبۇلاق» بوبەكجايىنىڭ تاربيەشىسى ايىمگۇل كەنجەباەۆا، «Uniserv» جاۋاپكەرشىلىگى
شەكتەۋلى سەرىكتەستىگىنىڭ جۇرگىزۋشىسى بايگالي انديروۆ، «جايىقجىلۋقۋات» اكتسيونەرلىك قوعامىنىڭ № 8 ۋچاستوك سلەسارى، جىلۋ جانە ەسەپ ينسپەكتسياسىنىڭ ينجەنەرى التاي كەنجەباەۆ، «باتىس قازاقستان ەلەكتر جەلىلەرىن تاراتۋشى توراپ» جاۋاپكەرشىلىگى شەكتەۋلى سەرىكتەستىگىنىڭ ەلەكتر جابدىقتارىن جوندەۋ ەلەكتروسلەسارى ءسابيت شاياحمەتوۆ بقو اكىمىنىڭ العىس حاتىمەن ماراپاتتالدى. بۇل كۇنى كامەلەتكە تولعان ءبىر توپ جاسقا جەكە كۋالىكتەرى سالتاناتتى تۇردە تابىس ەتىلدى.
