قوعامدا قازاق تىلىندە قارىم-قاتىناس قۇرىپ، قازاقشا ءتىل قاتقانى ءۇزىن جازىقتى بولعانداردىڭ سانى ارتتى. قازاقتى "مادەنيەتسىز" دەپ قارالايتىندار كوبەيدى. اننا سەمەنيۋك ەسىمدى فەيسبۋك قولدانۋشىسى قازاقتى مادەنيەتسىز دەپ تانىپ، راميل مۋحوياپوۆ ۇستانىمىن قولدايتىندىعىن بايقاتتى، دەپ حابارلايدى "ادىرنا" ۇلتتىق پورتالى.
تۇتاس ءبىر ۇلتتى قارالاماق بولعان جەلى قولدانۋشىسىنىڭ پىكىرىن جۋرناليست، ازاماتتىق بەلسەندى ايبار ولجاەۆ ايىپتاپ، اۆتوردىڭ زاڭ شەڭبەرىندە جازالانۋى ءتيىس ەكەندىگىن جەتكىزدى. زاڭدىق نەگىزدە اقىلعا قونىمدى ءارى قيسىندى پىكىرىن جۋرناليست تومەندەگىدەي جەتكىزدى:
"بەزكۋلتۋرە نەكوتورىح كازاحوۆ... 174 باپ كوبەيىپ كەتتى (قر قىلمىستىق كودەكسىن اشىپ قاراڭىز) جانە بۇعان تەك قازاقستان رەسپۋبليكاسىنىڭ كولدانىستاعى زاڭناماسى راكۋرسىنان قاراۋدىڭ ءوزى جەتكىلىكتى. مەن ورىس ءتىلىن عىلىمي/لينگۆيستيكالىق دەڭگەيدە مەڭگەرگەن ادام رەتىندە، 174 باپ تاراپىنان وتە قىزىق پوستقا تاپ بولدىم. پوست ىشىندە "بەزكۋلتۋرە نەكوتورىح كازاحوۆ" دەگەن تەرمين/انىقتاما/يدەيا بار. ونى پروكۋراتۋراعا الداعى جۇمىس كۇنى جىبەرەمىن. ءبارىن پروكۋرورلار/پوليتسەيلەر شەشەدى. ءبىز ول شەشىمدى قابىلدايمىز. ياعني، مەملەكەت قابىلداعان ۆەرديكتكە مويىن ۇسىنامىز. زاڭ بارىنە بىردەي. تۋراسىن ايتقاندا، قازاق حالقىنا بولەك جازىلعان زاڭ جوق. زاڭ ورتاق - قازاقستان ازاماتتارىنا. وسى ورايدا، تيك-توكتا ورىس ۇلتىن تسەنزۋراسىز سوزبەن قازاقشا بوقتاعان ۆيدەو كورىپ قالدىم جانە ونىڭ كۇمانسىز 174-باپ ەكەنىنە ەش اڭگىمە جوق. اۋىزعا يە بولۋ كەرەك. ونىڭ اۆتورىن دا تاۋىپ جاۋاپقا تارتۋ قاجەت. ءبىزدىڭ زاڭ بويىنشا كەز-كەلگەن ادامعا/توپقا ۇلتىنا، ناسىلىنە، دىنىنە، جىنىسىنا ءتيىستى ءتىل تيگىزۋگە بولمايدى".
قازاقستان رەسپۋبليكاسى زاڭناماسىنىڭ نەگىزىندە جالاڭ جازبا اۆتورىن جازالاۋدى كوزدەگەن قاۋىم اتىنان ايبار ولجاەۆ:
"ال مىنا پوستقا زاڭدىق جاعىنان ارگۋمەنتى بار جاۋاپ بەردىم، سكريندەدىم جانە الداعى سارسەنبى كۇنى ساعات 9-45تە (ورگانايزەر ۇمىتتىرمايدى) الماتى قالاسى پروكۋراتۋراسىنا ارىز جولدايمىن" - دەدى.
اننا سەمەنيۋكتىڭ قازاقشا سويلەپ، اينالاسىنان تەڭقۇقىلىقتى تالاپ ەتكەن "مادەنيەتسىز" قازاقتارعا قاتىستى جازباسىنا قاتىستى قالىڭ كوپشىلىك:
"ايبار اعا، كوپ قازاقتىڭ كوزىن اشتىڭىز. مەن بۇرىن ويلاۋشى ەدىم، سوتقا بەرۋ ءۇشىن ادۆوكات كەرەك، ۋاقىت كەرەك دەپ. ءدال وسىلاي پروكۋراتۋراعا ارىزدى ونلاين ءتۇسىرۋدى بىلمەپپىن. نەگىزى كوبىسى بىلمەيدى. سونى بىلمەگەن سوڭ دا ءبارى باسىنادى. جالپى تارسىلداتىپ ونشاقتىسىنا ( كافە، جەكە تۇلعا، كومپانيا) اياماي ايىپپۇل سالسا، جاپپاي قازاقشا وقىپ، ۇيرەنىپ، قۇسىقتارىنا يە بولادى. ءدال قازىرگى ساتتە بۇدان ارتىق جول كورگەن جوقپىن. كونتسەرت، كەشتەر ۇيىمداسىرعاننان تۇك پايدا جوق", "ورىستار 70 جىل بويى قازاقستاندا تۇرسا دا، وزدەرىن جوعارى ساناپ، قازاق ۇلتىن تومەندەتىپ كەلدى، ءالى دە سول ارەكەتتەن ارىلعان جوق. بۇعان توقتاۋ بولۋ كەرەك", ء"بəرىن ايتتا ءبىرىن ايت اي-تي ماماندارىن جيناپ، بۇكىل قوسىمشانى، يۋتۋبتى، بارلىق əلەۋمەتتىك جەلىنى، كاسپي قوسىمشاسىن قازاق تىلىنە كوشىرۋ كەرەك، سول كەزدە ۇيرەنەدى", "وسىنداي بولماۋ ءۇشىن ءار قازاق وزىنەن جانە ءوزىنىڭ جان-ۇيانىزدان باستاۋ كەرەك. قاجەتتى نە، ءسىز قازاقشا سويلەپ تۇرعاندا بالا-نەمەرەلەرىنىڭ ورىسشا سويلەسىپ وتىرسا... سوندىقتان بارلىعىن وتباسىڭىزدان باستاڭىز!" دەپ جازىپ جاتىر."ادىرنا" ۇلتتىق پورتالى
