پاراشيۋتيست ولەگ توششەۆ رەسپۋبليكا كۇنىنە وراي ىلە الاتاۋىنىڭ اسپانىندا قازاقستاننىڭ ەڭ ۇلكەن تۋىن جايىپ، قازاقستاننىڭ گيننەس رەكوردتارى كىتابىنا ەندى، دەپ حابارلايدى «ادىرنا» ءتىلشىسى BAQ.KZ-كە سىلتەمە جاساپ.
تۋ ەلورداداعى تۋدان ەكى ەسە ۇلكەن. تۋدىڭ ولشەمى – 800 شارشى مەتر، ەنى 40 مەتر بولسا، ۇزىندىعى – 20 مەتر. تاجىريبەلى پاراشيۋتيست 2500 مەتر بيىكتە قازاقستان بايراعىن جايدى.
كۇتپەگەن جاعدايلار بولماۋ ءۇشىن ەڭ الدىمەن قاۋىپسىزدىكتى ويلايمىن. ءپاراشيۋتتى مىندەتتى تۇردە تەكسەردىك. ايتارلىقتاي قيىندىق جوق. بۇعان دەيىن 190 كەلى جۇكپەن جەرگە تۇسكەنمىن. ال مۇندا جۇكتىڭ جالپى سالماعى 80-90 كەلىگە جۋىقتايدى. ۇشۋ سيپاتتاماسىن، تۋدى شىعارۋ باعىتىن، بيىكتىكتەگى جەل قارقىنىن، جىلدامدىعىن انىقتاپ الدىق. ءوزىم 12 جىلدا 5800 رەت پاراشيۋتپەن سەكىرگەنمىن، – دەدى پاراشيۋتيست ولەگ توششەۆ.
ۇيىمداستىرۋشىلاردىڭ پىكىرىنشە، بۇل اكتسيانىڭ ماقساتى – بارلىق قازاقستاندىقتاردىڭ پاتريوتتىق رۋحىن نىعايتۋ، سونداي-اق ۇلت بولىپ بولىنبەي، ءبىر-بىرىنە دەگەن تولەرانتتى قارىم-قاتىناس پەن بەيبىت اسپان كونتسەپتسياسىن قولداۋ.
