بەلسەندى كاميللا ەڭسەگەنوۆا Chocofamily كەڭسەسىنىڭ الدىنا “قازاقستاندا ورىسشا سويلەۋگە مىندەتتى ەمەسپىن” دەگەن پلاكاتپەن كەلىپ، كومپانيا باسشىسى راميل مۋحورياپوۆتى جاۋاپقا تارتۋدى تالاپ ەتتى، دەپ حابارلايدى “ادىرنا” ۇلتتىق پورتالى.
ول كومپانيا باسشىسى كەشىرىم سۇراپ جاريالاعان ۆيدەوسىنان شىنايىلىقتى كورمەگەنىن، سول سەبەپتەن وسىنداي ەرەۋىلگە شىعىپ وتىرعانىن ءتۇسىندىردى. مۋحورياپوۆتىڭ قازاق تىلدىلەردى مادەنيەتسىز دەپ، كەيبىر قازاقستاندىقتاردىڭ ورىس ءتىلىن جاقسى بىلمەگەندىكتەن، ولارعا قازاقشا جاۋاپ بەرۋ وڭايىراق دەپ ايتقانىنا اشۋ ءبىلدىردى.
“Chocofamily باسشىسىن ۇلتارالىق ارازدىقتى قوزدىرعانى ءۇشىن جاۋاپقا تارتۋ كەرەك. كومپانيانىڭ دا، باسشىسىنىڭ دا كەشىرىم سۇراعان ۆيدەولارىنان شىنايىلىقتى كورمەدىم. كومپانيانىڭ وزىندە مۇلدە قازاق تىلىندەگى كونتەنت جوق. تەك مەرەكە كۇندەرى مەملەكەتتىك تىلدە ۇندەۋ شىعارماۋ كەرەك. ءبىز بۇل جايدى بۇلاي قالدىرماي سوتقا بەرە الامىز. قازاق تىلىنە تولىعىمەن كوشۋ كەرەك، ويتكەنى تۇتىنۋشىلار مەن ولاردىڭ زاڭى دا بار”، – دەدى كاميللا ەڭسەگەنوۆا.
ەسكە سپلاينىق، رەسەيلىكتەرمەن كەزدەسۋدە شەتەلدىكتەرگە قازاق تىلىندە جاۋاپ بەرۋ “مادەنيەتتىڭ كورىنىسى ەمەس” ەكەنىن ايتقان Chocolife كومپانياسىنىڭ ديرەكتورى راميل مۋحورياپوۆ قازاقستاندىقتاردان كەشىرىم سۇراعان بولتىن.
