Belsendi Kamılla Eńsegenova Chocofamily keńsesiniń aldyna “Qazaqstanda oryssha sóıleýge mindetti emespin” degen plakatpen kelip, kompanııa basshysy Ramıl Mýhorıapovty jaýapqa tartýdy talap etti, dep habarlaıdy “Adyrna” ulttyq portaly.
Ol kompanııa basshysy keshirim surap jarııalaǵan vıdeosynan shynaıylyqty kórmegenin, sol sebepten osyndaı ereýilge shyǵyp otyrǵanyn túsindirdi. Mýhorıapovtyń qazaq tildilerdi mádenıetsiz dep, keıbir qazaqstandyqtardyń orys tilin jaqsy bilmegendikten, olarǵa qazaqsha jaýap berý ońaıyraq dep aıtqanyna ashý bildirdi.
“Chocofamily basshysyn ultaralyq arazdyqty qozdyrǵany úshin jaýapqa tartý kerek. Kompanııanyń da, basshysynyń da keshirim suraǵan vıdeolarynan shynaıylyqty kórmedim. Kompanııanyń ózinde múlde qazaq tilindegi kontent joq. Tek mereke kúnderi memlekettik tilde úndeý shyǵarmaý kerek. Biz bul jaıdy bulaı qaldyrmaı sotqa bere alamyz. Qazaq tiline tolyǵymen kóshý kerek, óıtkeni tutynýshylar men olardyń zańy da bar”, – dedi Kamılla Eńsegenova.
Eske splaınyq, reseıliktermen kezdesýde sheteldikterge qazaq tilinde jaýap berý “mádenıettiń kórinisi emes” ekenin aıtqan Chocolife kompanııasynyń dırektory Ramıl Mýhorıapov qazaqstandyqtardan keshirim suraǵan boltyn.
