الەۋمەتتىك جەلىدە تاراپ كەتكەن ۆيدەودا ەكى اسكەري قىزمەتشىنىڭ الاڭعا شىعىپ، قويان-قولتىق ۇرىسقا شىققانىن كورۋگە بولادى. Azattyq Ruhy ءتىلشىسى قر ىشكى ىستەر مينيسترلىگىنەن ۆيدەوعا قاتىستى مالىمەت بەرۋىن سۇرادى، دەپ حابارلايدى "ادىرنا" ۇلتتىق پورتالى.
بەلگىلى بولعانداي، مۇنداي ۇرىسقا اسكەري قىزمەتشىلەر كۇرەڭ بەرەت كيۋ مارتەبەسى ءۇشىن بارعان.
«جىل سايىن «بۇركىت» ارنايى ماقساتتاعى بولىمشەسى اسكەري قىزمەتشىلەرىنىڭ اراسىندا بولىمشە جاۋىنگەرى ءۇشىن اسا مارتەبەلى دە قۇرمەتتى سانالاتىن كۇرەڭ بەرەت قۇقىعىن يەلەنۋگە ارنالعان سايىس سىناعى ۇيىمداستىرىلادى. ءداستۇرلى شاراعا اينالعان اتالعان كۆاليفيكاتسيالىق سىناق بيىل 21-ءشى رەت ءوتتى. وسى جىلى وعان قاتىسۋعا 100-گە جۋىق اسكەري قىزمەتشى ىنتا ءبىلدىردى. اسكەري قىزمەتشىلەر سىناققا قاتىسۋ ءۇشىن تەوريالىق بىلىمنەن تەست تاپسىرىپ، ولاردىڭ دەنەشىنىقتىرۋ دايىندىقتارى مەن ارنايى جاتتىعۋلاردى، بايلانىس جانە مەديتسينا قۇرالدارىن مەڭگەرۋدەن الدىن الا بىلىكتىلىكتەرى پىسىقتالدى.
سىناققا تۇسكەن اسكەري قىزمەتشىلەر باس-اياعى 35 شاقىرىمدى 6 ساعات كولەمىندە جۇگىرىپ ءوتىپ، نورماتيۆتەر ورىندادى. بيىل بۇل سايىسقا 600 ۇمىتكەر قاتىسۋعا نيەت ءبىلدىردى، ولاردىڭ اراسىنان 60 ۇمىتكەر قورىتىندى سىناققا جىبەرىلدى. قورىتىندى كەزەڭگە 22 ۇمىتكەر جەتتى.
ۇلتتىق ۇلاننىڭ ارنايى ماقساتتاعى «بۇركىت» بولىمشەسىنىڭ باستى ماقساتى – ەكسترەميزم جانە لاڭكەستىكپەن كۇرەسۋ، مەملەكەت مۇددەسىنە جانە ادامداردىڭ ءومىرى مەن دەنساۋلىعىنا تونەتىن قاۋىپ-قاتەرلەرگە قارسى جەدەل ارەكەت ەتۋ »، – دەپ مالىمدەدى قر ۇلتتىق ۇلاننىڭ ءباسپاسوز قىزمەتى.
"ادىرنا" ۇلتتىق پورتالى
