Áleýmettik jelide tarap ketken vıdeoda eki áskerı qyzmetshiniń alańǵa shyǵyp, qoıan-qoltyq urysqa shyqqanyn kórýge bolady. Azattyq Ruhy tilshisi QR Ishki ister mınıstrliginen vıdeoǵa qatysty málimet berýin surady, dep habarlaıdy "Adyrna" ulttyq portaly.
Belgili bolǵandaı, mundaı urysqa áskerı qyzmetshiler kúreń beret kııý mártebesi úshin barǵan.
«Jyl saıyn «Búrkit» arnaıy maqsattaǵy bólimshesi áskerı qyzmetshileriniń arasynda bólimshe jaýyngeri úshin asa mártebeli de qurmetti sanalatyn kúreń beret quqyǵyn ıelenýge arnalǵan saıys synaǵy uıymdastyrylady. Dástúrli sharaǵa aınalǵan atalǵan kvalıfıkaııalyq synaq bıyl 21-shi ret ótti. Osy jyly oǵan qatysýǵa 100-ge jýyq áskerı qyzmetshi ynta bildirdi. Áskerı qyzmetshiler synaqqa qatysý úshin teorııalyq bilimnen test tapsyryp, olardyń deneshynyqtyrý daıyndyqtary men arnaıy jattyǵýlardy, baılanys jáne medıına quraldaryn meńgerýden aldyn ala biliktilikteri pysyqtaldy.
Synaqqa túsken áskerı qyzmetshiler bas-aıaǵy 35 shaqyrymdy 6 saǵat kóleminde júgirip ótip, normatıvter oryndady. Bıyl bul saıysqa 600 úmitker qatysýǵa nıet bildirdi, olardyń arasynan 60 úmitker qorytyndy synaqqa jiberildi. Qorytyndy kezeńge 22 úmitker jetti.
Ulttyq ulannyń arnaıy maqsattaǵy «Búrkit» bólimshesiniń basty maqsaty – ekstremızm jáne lańkestikpen kúresý, memleket múddesine jáne adamdardyń ómiri men densaýlyǵyna tónetin qaýip-qaterlerge qarsy jedel áreket etý », – dep málimdedi QR Ulttyq ulannyń baspasóz qyzmeti.
"Adyrna" ulttyq portaly
