قازاقستاندا تۋريزم جانە سپورت مينيسترلىگىنە قاراستى كوميتەتتەردىڭ ءبىرىن قايتا قۇرۋ جوسپارلانىپ وتىر. ءتيىستى قاۋلى جوباسى "اشىق نقا" پورتالىندا جاريالاندى، دەپ حابارلايدى «ادىرنا» ۇلتتىق پورتالى.
ۇكىمەت قاۋلىسىنىڭ جوباسىندا تۋريزم يندۋسترياسى كوميتەتىن قايتا قۇرۋ تۋرالى ايتىلادى.
"تۋريزم جانە سپورت مينيسترلىگىنىڭ تۋريزم يندۋسترياسى كوميتەتى قۇرامىنان ويىن بيزنەسى جانە لوتەرەيانى رەتتەۋ كوميتەتىن ءبولۋ ارقىلى قايتا قۇرىلسىن", - دەلىنگەن قۇجاتتا.
اقپاراتقا سايكەس، ويىن بيزنەسى مەن لوتەرەيانى رەتتەۋ جونىندەگى جاڭا كوميتەت "سالالىق ماسەلەلەردى دەربەس جانە جەدەل شەشە الادى”. قاۋلى جوباسىنىڭ سالىستىرمالى كەستەسىندە پرەزيدەنتتىڭ 30 مامىرداعى قاۋلىسىن ىسكە اسىرۋ ماقساتىندا جاڭا كوميتەت قۇرىلىپ جاتقانى ايتىلعان.
