Jappai egın jinau aiaqtalǧannan keiın Prezident Qasym-Jomart Toqaev diqandardy qūttyqtap, densaulyq pen eŋbekterıne tabys tıledı. Būl turaly auyl şaruaşylyǧy ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
"Diqandarymyzdyŋ joǧary käsıbilıgınıŋ, öz ısıne adaldyǧynyŋ jäne qajyrly eŋbegınıŋ arqasynda agroönerkäsıp keşenı azyq-tülık qauıpsızdıgınıŋ senımdı kepılıne jäne ekonomikalyq damudyŋ basty qozǧauşy küşıne ainaldy. Bız tūrǧylyqty jerıne qaramastan barlyq azamattyŋ jan jaqty damuyna bırdei mümkındık berıletın Ädılettı Qazaqstandy qūryp jatyrmyz. Sondyqtan auyl tūrǧyndarynyŋ äl-auqatyn arttyryp, tūrmys saltyn jaqsartu - bızdıŋ basty mındetımız. Barşa diqanǧa zor densaulyq pen baq bereke tıleimın", - delıngen Prezidenttıŋ qūttyqtau hatynda.16 qazan - Qazaqstanda Nan künı. Merekelık kün 2019 jyly Ükımettıŋ qaulysymen belgılendı. Būl kün nan önımderınıŋ, sondai-aq, nan öndırısıne qatysy bar barlyq mamannyŋ, nan öndıruşıler, ūn tartuşylar men naubaişylardyŋ, joǧary märtebesın nyǧaituǧa arnalǧan.
"Biyl nan önımı būryn belgılengen boljamdy deŋgeiden asyp tüstı. Mäselen, josparlanǧan 19,5 million tonna bunkerlık salmaqtaǧy astyqtyŋ ornyna bügınde 21,7 million tonnadan astam astyq bastyryldy. Sonymen qatar, 16,3 million tonnadan astam bidai jinaldy, bunkerlık salmaqta 14,1 million tonna jinalady dep boljanǧan bolatyn. Mūnyŋ bärı nan ösıruşılerdıŋ qajymas eŋbegınıŋ arqasynda mümkın boldy. Bügıngı taŋda qazaqstandyq fermerlerdıŋ astyqpen otandyq naryqty ǧana emes, ony bızdıŋ önımderımızdıŋ sapalyq körsetkışterı joǧary baǧalanatyn şet memleketterge saudalauǧa mümkındıgı bar", - dedı vedomstvo ökılderı.
Ūqsas jaŋalyqtar
