مەملەكەت باسشىسى قاسىم-جومارت توقاەۆ بۇگىن قازاقستانعا ۇقشۇ پارلامەنتتىك اسسامبلەياسى كەڭەسىنىڭ وتىرىسىنا قاتىسۋ ءۇشىن كەلگەن رەسەي مەملەكەتتىك دۋماسىنىڭ توراعاسى ۆياچەسلاۆ ءۆولوديندى قابىلدادى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
كەزدەسۋ بارىسىندا قازاقستان مەن رەسەي اراسىنداعى كوپجاقتى ستراتەگيالىق سەرىكتەستىك پەن وداقتاستىقتى نىعايتۋ پەرسپەكتيۆالارى تالقىلاندى. قاسىم-جومارت توقاەۆ پەن ۆياچەسلاۆ ۆولودين ساۋدا-ەكونوميكالىق، مادەني-گۋمانيتارلىق ىنتىماقتاستىقتىڭ وزەكتى ماسەلەلەرى جانە ەۋرازيالىق ينتەگراتسيانىڭ كەلەشەگى جونىندە پىكىر الماستى.
پرەزيدەنت مەملەكەتتەر اراسىنداعى جان-جاقتى ىنتىماقتاستىقتى نىعايتۋ ىسىندە زاڭ شىعارۋ ورگاندارى ماڭىزدى ءرول اتقاراتىنىن ايرىقشا اتاپ ءوتتى.
قاسىم-جومارت توقاەۆ كوپجاقتى ىنتىماقتاستىق اياسىندا پارلامەنتارالىق بايلانىستاردى ودان ءارى دامىتۋعا جانە باۋىرلاس قازاقستان مەن رەسەي حالىقتارىنىڭ مۇددەسى مەن يگىلىگى ءۇشىن ەكىجاقتى سەرىكتەستىكتى بارىنشا كەڭەيتۋگە شاقىردى.
