"جەست دنيا" Telegram-ارناسىندا قازاقستان قالالارىنىڭ بىرىندە تۇسىرىلگەن ەر ادامدى ۇرىپ-سوققان ۆيدەوسى جاريالاندى. قر ءىىم اتالعان ۆيدەوعا قاتىستى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
ۆيدەودا زارداپ شەگۋشى – رەسەي فەدەراتسياسىنان كەلگەن ميگرانت، ال شابۋىلداۋشىلار – قازاقستان ازاماتتارى جانە جانجالعا ۇلتارالىق الاۋىزدىق سەبەپ بولعان دەپ كورسەتىلگەن.
ۆەدومستۆونىڭ حابارلاۋىنشا، ۆيدەونىڭ قازاقستاندا تۇسىرىلگەنىنە دالەل جوق."قازىرگى ۋاقىتتا ىشكى ىستەر ورگاندارى وسى ۆيدەو بويىنشا تەكسەرۋ ءىس-شارالارىن جۇرگىزۋدە. سونىمەن قاتار پوليتسياعا ءوتىنىش تۇسكەن جوق", – دەپ ءتۇسىندىردى قر ءىىم ءباسپاسوز قىزمەتى.
ۇقساس جاڭالىقتار
