ورتالىق سايلاۋ كوميسسياسى فاتيما بيزاقوۆا، تالعات فايزوللاۇلى ەرعاليەۆ، حايرۋللا ماعاۋياۇلى گابجاليلوۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋدەن باس تارتۋ تۋرالى قاۋلى قابىلدادى، دەپ حابارلايدى “ادىرنا” ۇلتتىق پورتادى.
«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋتسيالىق زاڭىنىڭ 54-بابىنا، 59-بابىنىڭ 7-تارماعىنىڭ 3) تارماقشاسىنا سايكەس قازاقستان رەسپۋبليكاسىنىڭ ورتالىق سايلاۋ كوميسسياسى قاۋلى ەتەدى:
-
قازاقستان رەسپۋبليكاسىنىڭ پرەزيدەنتتىگىنە كانديدات فاتيما بيزاقوۆا قازاقستان رەسپۋبليكاسىنىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋتسيالىق زاڭىندا وعان قويىلاتىن تالاپتارعا سايكەس ەمەس دەپ بەلگىلەنسىن.
-
فاتيما بيزاقوۆانى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋدەن باس تارتىلسىن»، – دەلىنگەن قاۋلى ماتىنىندە.
