رەسپۋبليكا كۇنىنە وراي ورال قالاسى مەكتەپتەرى وقۋشىلارى «قىران ەلىم – قازاقستان»، «موي كازاحستان» تاقىرىبىندا ديكتانت جازدى.
رەسپۋبليكا كۇنىن اتاپ ءوتۋ تۇجىرىمداماسى اياسىندا رەسپۋبليكا مەن ۇلت ءۇشىن پايدالى ىستەرگە ۇلتتى ۇيىستىرۋ ماقساتىنداعى شارالار جوسپارلاندى. سونىڭ ءبىرى رەتىندە وبلىستىق ءبىلىم باسقارماسىنىڭ باستاماسىمەن ءبىلىم بەرۋ ۇيىمدارىندا ديكتانت جازۋ ۇيىمداستىرىلىپ، قالا بويىنشا 50 مىڭ وقۋشى بىرىڭعاي اكتسياعا قاتىستى.
ديكتانت ءماتىنى وقۋشىلاردىڭ سىنىپ ەرەكشەلىكتەرىنە بايلانىستى بەرىلدى. ءماتىن مازمۇنى مەملەكەتتىڭ قۇندىلىقتارى مەن قاعيداتتارىن قۇرمەتتەۋ، قازاقستاندىق بىرەگەيلىكتى قالىپتاستىرۋ، قوعامدىق كەلىسىم مەن ەل بىرلىگىن نىعايتۋ، وتانىن، تۋعان ەلىن سۇيۋگە تاربيەلەۋدى ماقسات ەتتى.
رەسپۋبليكا كۇنىن مەرەكەلەۋ اياسىنداقالالىق ءبىلىم ۇيىمدارىندا «ەگەمەن ەلىمنىڭ جاسۇلانىمىن» پاتريوتتار فورۋمى، مەرەكەگە ارنالعان سۋرەت كورمەسى، وقۋشىلار اراسىندا مانەرلەپ وقۋ بايقاۋى، دەبات ءتۋرنيرى سىندى پاتريوتتىق ءمانى زور شارالار ۇيىمداستىرىلماق. سونداي-اق بارلىق سىنىپتاردا تاربيە ساعاتتارى وتەدى.
