«ونەركاسىپتى دامىتۋ قورى» اق («قازاقستاننىڭ دامۋ بانكى» اق ەنشىلەس ۇيىمى) اعىمداعى جىلدىڭ 6 اقپاندا جەڭىلدەتىلگەن اۆتونەسيەلەۋ باعدارلاماسى بويىنشا وتىنىمدەردى قابىلداۋ ءۇشىن پيلوتتىق پلاتفورمانى ىسكە قوسادى.
وتىنىمدەردى قابىلداۋ استانا ۋاقىتى بويىنشا ساعات 10.00-دە www.autonesie.kz رەسمي سايتىندا ىسكە قوسىلادى. ءوتىنىم بەرۋ ءۇشىن ءوتىنىش بەرۋشىنىڭ قول استىندا كومپيۋتەرى، ەلەكتروندىق-تسيفرلىق قولتاڭباسى (ەتسق), ينتەرنەتى بولۋى قاجەت، سونداي-اق اۆتووندىرۋشىلەردى الدىن الا تاڭداۋى شارت. پلاتفورمادا تەك قازاقستان رەسپۋبليكاسىنىڭ اۋماعىندا تىركەلۋگە بولادى.
سايتتا ءوتىنىم بەرگەن كەزدە ءوتىنىش بەرۋشىنىڭ دەرەكتەرى اۆتوماتتى تۇردە ەتسق ارقىلى قالىپتاسادى. ءوتىنىش بەرۋشى مىندەتتى تۇردە تەك تەلەفون ءنومىرىن ەنگىزىپ، ءاۆتووندىرۋشىنى تاڭداپ، وتىنىمگە قول قويۋى كەرەك. ءوتىنىمنىڭ تىركەلۋ بارىسىن ءوتىنىش بەرۋشى سايتتاعى «جەكە كابينەت» ارقىلى تەكسەرە الادى.
ايتا كەتۋ كەرەك، پلاتفورما باعدارلاماعا قاتىسۋشىلاردىڭ پۋلىن قالىپتاستىرادى، ديلەرلىك ورتالىقتاردا اۆتوكولىكتى جانە باعدارلاماعا قاتىسۋشى بانكتەردە كرەديتتى بەرۋ كەزەكتىلىگىن انىقتامايدى. ءوتىنىمدى بەرگەننەن كەيىن ءاۆتووندىرۋشىنى وزگەرتۋ مۇمكىن ەمەس.
ەستەرىڭىزگە سالا كەتەيىك، جەڭىلدەتىلگەن اۆتونەسيەلەۋ باعدارلاماسى 2022 جىلدىڭ مامىر ايىندا باستاۋ الدى. ونى ىسكە اسىرۋ ءۇشىن ەكىنشى دەڭگەيدەگى بانكتەرگە («قازاقستان حالىق بانكى» اق، «Forte Bank» اق، «بانك تسەنتركرەديت» اق جانە «ەۋرازيالىق بانك» اق) 100 ملرد تەڭگە ءبولىندى. بۇل قاراجاتقا 12,6 مىڭنان استام اۆتوموبيل ساتىپ الىندى. اۆتوكرەديتتىڭ ورتاشا مولشەرى 7,8 ملن تەڭگەنى قۇرادى.
بۇگىنگى تاڭدا «ونەركاسىپتى دامىتۋ قورى» اق جەلىسى بويىنشا قولدانىستاعى اۆتوكرەديتتەردى وتەۋدەن جيناقتالعان قاراجات كولەمى 7,6 ملرد تەڭگەنى قۇرايدى. وسى دەرەكتەردى ەسكەرە وتىرىپ، پيلوتتىق پلاتفورمانىڭ العاشقى ىسكە قوسىلۋ بارىسىندا 761 ءوتىنىش بەرۋشىگە دەيىن تىركەلە الادى. ءوتىنىش بەرۋشىلەردىڭ وسى سانىنا جەتكەن كەزدە پلاتفورمادا وتىنىمدەردى قابىلداۋ اۆتوماتتى تۇردە توقتاتىلادى، ال «ءوتىنىم بەرۋ» فۋنكتسياسى بەلسەندى بولمايدى.
كەيىننەن پلاتفورمادا وتىنىمدەردى قابىلداۋ اي سايىن جۇرگىزىلەدى جانە 100-دەن استام ءوتىنىش بەرۋشىنى تىركەۋگە مۇمكىندىك بەرەدى.
ءوتىنىم بەرۋشىنىڭ ءوتىنىمى كەلەسى جاعدايدا قابىلدانباۋى مۇمكىن:
- بۇعان دەيىن باعدارلاما اياسىندا اۆتونەسيە العان بولسا;
- پلاتفورمادا وزەكتى ءوتىنىمى بولسا.
جەڭىلدەتىلگەن اۆتونەسيەلەۋ باعدارلاماسى بويىنشا وتىنىمدەردى قابىلداۋ پلاتفورماسى ءوتىنىم بەرۋشىلەر مەن اۆتووندىرۋشىلەرگە، سونداي-اق باعدارلاماعا قاتىسۋشى بانكتەرگە ءوتىنىمنىڭ مارتەبەسىن ءوتىنىم بەرىلگەن ساتتەن باستاپ اۆتوموبيل بەرىلگەنگە دەيىن ونلاين نۇسقادا قاداعالاۋعا، سونداي-اق باعدارلامانى ىسكە اسىرۋدىڭ اشىقتىعىن قامتاماسىز ەتۋگە مۇمكىندىك بەرەدى.
جەڭىلدەتىلگەن اۆتونەسيەلەۋ باعدارلاماسىنىڭ شارتتارى وزگەرىسسىز قالادى:
- 1 ءاۆتوموبيلدىڭ قۇنى – 15 000 000 (ون بەس ميلليون) تەڭگەدەن اسپايدى;
- قارجىلاندىرۋ سوماسى – 10 000 000 (ون ميلليون) تەڭگەدەن ارتىق ەمەس;
- قارجىلاندىرۋ مەرزىمى – 7 جىلدان اسپايدى;
- باستاپقى جارنا – 0% باستاپ;
- كرەديت بەرۋ ۆاليۋتاسى – تەڭگە;
- سىياقى مولشەرلەمەسى – جىلدىق 4%، بۇل رەتتە جىلدىق ءتيىمدى سىياقى مولشەرلەمەسى تۇپكىلىكتى قارىز الۋشىنىڭ اۆتوكولىكتى ساقتاندىرۋ جانە رەسىمدەۋ (ونىڭ ىشىندە كەپىلگە قويۋ) بويىنشا شىعىندارىن ەسكەرە وتىرىپ، جىلدىق 7,5%-دان اسپاۋى ءتيىس;
- تۇپكىلىكتى قارىز الۋشىلار ساقتاندىرۋ جانە وتاندىق ءوندىرىستىڭ جەڭىل اۆتوكولىگىن كەپىلگە رەسىمدەۋ بويىنشا شىعىستاردى تولەيدى.
باعدارلاماعا قاتىساتىن اۆتووندىرۋشىلەردىڭ تىزبەسى:
- «سارىارقااۆتوپروم» جشس;
- «HYUNDAI TRANS KAZAKHSTAN» جشس.
