نورماتيۆتىك قۇقىقتىق اكتىلەردىڭ ساپاسى بويىنشا جۇمىس ىستەۋ قاجەت.
م.س.نارىكباەۆ اتىنداعى كازگيۋ ۋنيۆەرسيتەتى عىلىمي ساراپتاما جانە تالداۋ ينستيتۋتى جانە قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىمەن بىرلەسىپ «سىبايلاس جەمقورلىققا قارسى عىلىمي ساراپتامانى جۇرگىزۋدىڭ جانە ساراپشىلاردىڭ سىبايلاس جەمقورلىققا قارسى عىلىمي ساراپتاما قورىتىندىلارىن سۇيەمەلدەۋىنىڭ پراكتيكالىق اسپەكتىلەرى» تاقىرىبىندا سەمينار وتكىزدى.
سەميناردا عىلىمي ساراپتاما جانە تالداۋ ينستيتۋتىنىڭ ديرەكتورى، پروفەسسور، ز.ع.د. م.ش.قوعاموۆ، قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى، قازاقستان رەسپۋبليكاسى ادىلەت مينيسترلىگى، جەرگىلىكتى اتقارۋشى ورگانداردىڭ وكىلدەرى، ساراپتامالىق قۇرامى، ۇيلەستىرۋشىنىڭ وكىلدەرى قاتىستى.
«ستاتيستيكاعا سايكەس، بۇگىنگى تاڭدا 6 150 قۇقىقتىق اكتىلەر جوباسى جۇمىس ىستەۋدە، ونىڭ ىشىندە 3 574 جەرگىلىكتى باسقارۋ ورگاندارىنىڭ قۇقىقتىق اكتىلەرىنە تيەسىلى، ياعني ءنورماتيۆتى قۇقىقتىق اكتىلەر جوبالارىنىڭ 59% وڭىرلىك دەڭگەيدە ازىرلەنۋدە»، - دەپ اتاپ ءوتتى عىلىمي ساراپتاما جانە تالداۋ ينستيتۋتىنىڭ باسشىسى.
اگەنتتىك وكىلىنىڭ ايتۋىنشا، ولار اۋماقتىق دەپارتامەنتتەرمەن بىرلەسىپ،جەرگىلىكتى اتقارۋشى ورگانداردىڭ قورىتىندىلارىنا مونيتورينگ جۇرگىزدى. «اقمولا وبلىسىنىڭ مىسالىندا اعىمداعى جىلدىڭ 9 ايىندا 180 ءنورماتيۆتى قۇقىقتىق اكتىلەر بەرىلدى، ونىڭ ىشىندە 93% (168) سىبايلاس جەمقورلىق تاۋەكەلدەرى انىقتالدى. ءنورماتيۆتى قۇقىقتىق اكتىلەر جوبالارىنداعى سىبايلاس جەمقورلىق تاۋەكەلدەرىنىڭ ەڭ كوپ سانى ەسىل اۋدانىندا (52), كوكشەتاۋ قالاسىندا (49), اقكول (34), بۇلاندى (32), زەرەندى (25) اۋداندارىندا انىقتالدى. ساراپشىلار قۇقىقتىق ولقىلىق، اقپاراتقا قولجەتىمدىلىكتىڭ جەتكىلىكسىزدىگى جانە باسقا سىبايلاس جەمقورلىق فاكتورلارىن انىقتادى»، - دەدى قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ سىبايلاس جەمقورلىققا قارسى مونيتورينگ باسقارماسىنىڭ قىزمەتكەرى.
عىلىمي ساراپتاما جانە تالداۋ ينستيتۋتىنىڭ ۇيلەستىرۋشىسى مولدابەك سىرىم مەملەكەتتىك تىلدە ۇسىنىلعان ءنورماتيۆتى قۇقىقتىق اكتىلەردە كوپتەگەن ماسەلەلەر بار ەكەنىن ايتتى: «كوبىنەسە قازاق جانە ورىس تىلدەرىندەگى ماتىندەر ءبىر-بىرىنە سايكەس ەمەس، بۇل ساراپتاما جۇرگىزۋدى قيىنداتادى. كەيدە، ءتىپتى، تارماقتاردىڭ سانى مەن نومىرلەنۋى ءار ءتۇرلى بولادى، بۇل ساراپشىلار مەن اۋدارماشىلاردىڭ جۇمىسىن قيىنداتادى. كوبىنەسە ساراپتاما تەك جوبا بويىنشا ورىس تىلىندە جۇرگىزىلەدى، ال جوباعا قازاق تىلىندە ءتيىستى كوڭىل بولىنبەيدى».
