شىمقالادا 2 كۇنگە سوزىلعان قر اقپارات جانە قوعامدىق دامۋ مينيسترلىگىنىڭ قولداۋىمەن قازاقستان حالقى اسسامبلەياسى جۋرناليستەر كلۋبىنىڭ كوشپەلى وتىرىسى ءوتتى.
ءىس-شاراعا قر اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتىنىڭ، «قوعامدىق كەلىسىم» رمم وكىلدەرى، سونداي-اق «دەلوۆوي كازاحستان» حالىقارالىق اقپاراتتىق اگەنتتىك ديرەكتورى ا.قورجۇمباەۆ، Factcheck.kz اقپاراتتىق سايتىنىڭ ءتىلشىسى ج.تىلەۋحان، موبيلوگراف ا. جاقسىباەۆ، قحا جۋرناليستەر كلۋبىنىڭ مۇشەلەرى، بلوگەرلەر، «ۋيعۋر اۆازي»، «داز»، «كورە يلبو» ت.ب ەتنوباق وكىلدەرى، اقمولا، اقتوبە، اتىراۋ، ماڭعىستاۋ، قوستاناي، سولتۇستىك قازاقستان، پاۆلودار، باتىس قازاقستان، شىعىس قازاقستان، اباي، ۇلىتاۋ وبلىستارى جانە استانا قالاسىنىڭ «قوعامدىق كەلىسىم» كمم باسشىلارى مەن ءباسپاسوز قىزمەتكەرلەرى قاتىستى.
ءىس-شارانىڭ نەگىزگى ماقساتى – كونسۋلتاتيۆتىك-ساراپشىلىق پلاتفورمادا تۇراقتى تۇردە قوعامدىق كەلىسىم مەن بىرلىكتى نىعايتۋ جانە بۇل باعىتتا قالام تارتاتىن باق وكىلدەرى، بلوگەرلەر مەن ساراپشىلاردىڭ كۇش-جىگەرىن بىرىكتىرۋ، اقپاراتتىق-ءتۇسىندىرۋ جۇمىسىن ۇيىمداستىرۋدا پراكتيكالىق داعدىلار مەن قۇرالدارىنا ۇيرەتۋ، ءباسپاسوز قىزمەتكەرلەرىنىڭ، جۋرناليستەر كلۋبى مۇشەلەرىنىڭ بىلىكتىلىگىن ارتتىرۋ بولىپ تابىلادى.
پىكىرتالاس جانە پىكىر الماسۋ فورماتىندا وتكەن وتىرىس بارىسىندا باق پەن الەۋمەتتىك جەلىلەردە ەتنوسارالىق قاتىناستار ماسەلەلەرىن دۇرىس ۇسىنۋ جانە جاريالاۋ باعىتىنداعى اقپاراتتىق جوبالار، ينتەرنەت كەڭىستىگىندەگى اقپاراتتىق كونتەنتتى ىلگەرىلەتۋدىڭ ءتيىمدى قۇرالدارى تالقىلاندى.
وتىرىس سوڭىندا قاتىسۋشىلارعا ارنايى سەرتيفيكاتتار تابىس ەتىلدى.
