شىمكەنت قالاسىنىڭ اكىمى م.ايتەنوۆ توتەنشە جاعدايلاردىڭ الدىن الۋ جانە جويۋ كوميسسيا وتىرىسىندا ورتكە قارسى سۋمەن جابدىقتاۋ جۇيەسىنىڭ جاي-كۇيىن باقىلاۋعا الۋدى تاپسىرعان بولاتىن.
وسىعان سايكەس "سۋ رەسۋرستارى ماركەتينگى" جشس مەن سۋ قۇبىرى جانە كاناليزاتسيا باسقارماسى كوشەلەردە جارامسىز ءورت گيدرانتتارىن قالپىنا كەلتىرۋدى باستادى.
ايتا كەتەيىك، شاھار باسشىسى ءوز تاپسىرماسىندا قىزىل جالىندى سوندىرۋدە ءورت سوندىرۋشىلەر جانە ارنايى تەحنيكامەن بىرگە سۋ گيدرانتتارى دا اسا قاجەت دەپ ەسكەرتىپ وتكەن.
ءورت ءسوندىرۋ گيدرانتتارى - قالالىق سۋ جۇيەسىنەن ارنايى ورىندار ءبولىنىپ، ءورت ءسوندىرۋ كولىكتەرى جالعاناتىن بۇراندالار. بىلايعى كەزدە جابۋلى تۇرىپ، سول ماڭدا ءورت شىققان جاعدايدا ارنايى تەحنيكا قوسىلىپ، سۋ الادى. سوندىقتان، توتەنشە جاعداي كەزىندە گيدرانتتار ءاردايىم دايىن تۇرۋى ءتيىس.
تاپسىرمانىڭ ورىندالۋى بويىنشا تج دەپارتامەنتىنىڭ مەملەكەتتىك ءورت باقىلاۋ باسقارماسىنىڭ ۇيىمداستىرۋىمەن جۇمىس توبىنىڭ كەزەكتى وتىرىسى ءوتتى. جيىن بارىسىندا قالا اكىمدىگى تاراپىنان 2013 جىلى ورناتىلعان 23 ورتكە قارسى پيرستەردىڭ قازىرگى احۋالى تالقىلانىپ، كەمشىلىكتەردى جويۋ بويىنشا شەشىم قابىلداندى جانە ولاردىڭ جارامدىلىعى قاتاڭ تەكسەرىلىپ، جاۋاپتى مەكەمەلەرگە ۇسىنىستار جولداندى.
جالپى شىمكەنت قالاسىنىڭ اۋماعىندا بارلىعى 4 913 ءورت گيدرانتتارى ەسەپكە الىندى. ونىڭ ىشىندە كوشەلەردە
4 011, وبەكت اۋماعىندا 902 ءورت گيدرانتتارى ورنالاسقان. بارلىعى باقىلاۋدا.
شىمكەنت قالاسى اكىمدىگىنىڭ ءباسپاسوز قىزمەتى
