Shymkent qalasynyń ákimi M.Áıtenov tótenshe jaǵdaılardyń aldyn alý jáne joıý komıssııa otyrysynda órtke qarsy sýmen jabdyqtaý júıesiniń jaı-kúıin baqylaýǵa alýdy tapsyrǵan bolatyn.
Osyǵan sáıkes "Sý resýrstary marketıngi" JShS men Sý qubyry jáne kanalızaııa basqarmasy kóshelerde jaramsyz órt gıdranttaryn qalpyna keltirýdi bastady.
Aıta keteıik, shahar basshysy óz tapsyrmasynda qyzyl jalyndy sóndirýde órt sóndirýshiler jáne arnaıy tehnıkamen birge sý gıdranttary da asa qajet dep eskertip ótken.
Órt sóndirý gıdranttary - qalalyq sý júıesinen arnaıy oryndar bólinip, órt sóndirý kólikteri jalǵanatyn burandalar. Bylaıǵy kezde jabýly turyp, sol mańda órt shyqqan jaǵdaıda arnaıy tehnıka qosylyp, sý alady. Sondyqtan, tótenshe jaǵdaı kezinde gıdranttar árdaıym daıyn turýy tıis.
Tapsyrmanyń oryndalýy boıynsha TJ departamentiniń Memlekettik órt baqylaý basqarmasynyń uıymdastyrýymen jumys tobynyń kezekti otyrysy ótti. Jıyn barysynda qala ákimdigi tarapynan 2013 jyly ornatylǵan 23 órtke qarsy pırsterdiń qazirgi ahýaly talqylanyp, kemshilikterdi joıý boıynsha sheshim qabyldandy jáne olardyń jaramdylyǵy qatań tekserilip, jaýapty mekemelerge usynystar joldandy.
Jalpy Shymkent qalasynyń aýmaǵynda barlyǵy 4 913 órt gıdranttary esepke alyndy. Onyń ishinde kóshelerde
4 011, obekt aýmaǵynda 902 órt gıdranttary ornalasqan. Barlyǵy baqylaýda.
Shymkent qalasy ákimdiginiń baspasóz qyzmeti
