مەديتسينالىق ۇيىم وكىلدەرى جەدەل مەديتسينالىق جاردەم قىزمەتىنىڭ رەسپۋبليكالىق سپارتاكياداسىندا بىلىكتىلىكتەرىن دالەلدەپ، ءبىرىنشى ورىنعا يە بولدى.
ۇلتتىق شۇعىل مەديتسينانى ۇيلەستىرۋ ورتالىعى قازاقستان رەسپۋبليكاسىنىڭ جەدەل مەديتسينالىق كومەك قاۋىمداستىعىمەن بىرلەسىپ، قازاقستان رەسپۋبليكاسى دەنساۋلىق ساقتاۋ مينيسترلىگىنىڭ قولداۋىمەن جەدەل مەديتسينالىق جاردەم قىزمەتى بريگادالارىنىڭ سپارتاكياداسى ەكى كۇنگە سوزىلدى. وعان بارلىق وڭىردەن 18 كوماندا كوماندا قاتىسىپ، بىلىكتىلىكتەرىمەن سىناستى.
كوماندالار مانەكەندەر مەن ستاندارتتالعان پاتسيەنتتەردى پايدالانا وتىرىپ، شىنايى جاعدايعا بارىنشا جاقىن كلينيكالىق ستانتسيالاردان ءوتىپ، جول-كولىك وقيعاسىندا زارداپ شەككەندەرگە كومەك كورسەتۋدە، بوسانۋدى قابىلداۋدا، سۋعا باتقان كەزدە زارداپ شەگۋشىنى قۇتقارۋدا، بالالار رەانيماتسياسىن جۇرگىزۋدە جانە ءجىتى كورونارلىق سيندرومى بار ەر ادامدى قيىن جاعدايدان شىعارۋدا ءوز شەبەرلىكتەرىن كورسەتتى.
بۇكىل كەزەڭدەر مەديتسينا سالاسىنداعى تانىمال مامانداردان تۇراتىن قۇزىرەتتى قازىلار القاسىنىڭ ءجىتى نازارىندا جانە باعالاۋىندا بولدى.
سپارتاكيادا قورىتىندىسى بويىنشا 159,5 بالل جيناعان شىمكەنت قالاسىنىڭ كومانداسى ۇزدىك بريگادا بولىپ تانىلدى.
ەكىنشى ورىندى ەلوردالىق – استانا قالاسىنىڭ كومانداسى (159 بالل) يەلەندى. جۇلدەلى ءۇشىنشى ورىندى – 143 بالل جيناعان اباي وبلىسىنىڭ قومانداسى قانجىعاسىنا بايلادى.
