جالپى اۋدانى 5 گا بولاتىن “شىمكەنت سيتي”- دا 25 قاباتتى، 20 بلوكتان تۇراتىن ءۇشىنشى مەگاپوليستەگى ەڭ بيىك تۇرعىن ءۇي كەشەنى بوي كوتەرۋدە. قۇرىلىس بارىسى قارقىندى.
جاڭا تۇرعىن ءۇي كەشەنىن كورۋگە قالا اكىمى م.ايتەنوۆ ارنايى باردى. شاھار باسشىسى مەردىگەر مەكەمەگە نىساننىڭ قۇرىلىسى بارىسىندا تۋىنداعان ماسەلەلەردىڭ شەشىمىندە جان جاقتى كومەك كورسەتىلەتىنىن اتاپ ءوتتى.
ايتا كەتۋ كەرەك، كەشەن جەكە ينۆەستور «Capital Invest Construction» جشس ەسەبىنەن جۇزەگە اسىرىلۋدا. قۇرىلىس تولىق اياقتالعان جاعدايدا 120 مىڭ شارشى مەتر تۇرعىن ءۇيدى پايدالانۋعا بەرۋ كوزدەلگەن.
بۇگىنگى كۇنى قۇرىلىس-مونتاج جۇمىستارى جۇرگىزىلۋدە، 1, 2, 3 بلوكتارداعى 4, 5 قاباتتىڭ جانە 6 بلوكتاعى 10 قاباتتىڭ قابىرعالارىن سالۋ اياقتالدى. ەندى ينجەنەرلىك جەلىلەر تارتىلىپ، بولمە ارالىق قابىرعالارى قالانادى. 1,5 گا الاڭ اباتتاندىرىلادى.
