«بولاشاققا قادام» جوباسى وزىق ويلى وسكەلەڭ ۇرپاقتىڭ پىكىرىنە قۇلاق اساتىن، ونىڭ جۇزەگە اسۋىن بىرىگىپ اقىلداساتىن، مەكتەپ ءبىتىرۋشى تۇلەكتەرگە كاسىبي باعدار بەرۋگە باعىتتالعان اشىق الاڭعا اينالدى.
وسىعان وراي جاستار رەسۋرستىق ورتالىعىنىڭ ۇيىمداستىرۋىمەن «بولاشاققا قادام» جوباسى اياسىندا قالامىزداعى بىرنەشە مەكتەپتىڭ ءبىتىرۋشى سىنىپتاعى وقۋشىلارى بەلگىلەنگەن كەستە بويىنشا ءتۇرلى كاسىپورىندارعا ەكسكۋرسيا جاسادى.
ونداعى نەگىزگى ماقسات- وقۋشىلارعا ماماندىقتارىن دۇرىس تاڭداۋعا باعىت بەرۋ. سانالى تۇردە تاڭدالعان ماماندىق جەكە تۇلعانىڭ بولاشاق ءومىر ەكەندىگىن ءتۇسىندىرۋ. ماماندىق الەمى جانە ولاردىڭ ەرەكشەلىكتەرى تۋرالى تۇسىنىكتەرىن كەڭەيتۋ. وقۋشىلاردىڭ ماماندىقتارعا دەگەن قىزىعۋشىلىقتارى مەن بەيىمدىلىكتەرىن انىقتاۋ. ماماندىق تاڭداۋ ماسەلەسىن، جالپى وزىندىك تاڭداۋ جاساۋعا دايىندىقتى كۇشەيتۋ بولاتىن.
مەكتەپ وقۋشىلارى «الەم» بت، «نازار» تەكستيل، «SAGITEX» كوپسالالى تىگىن فابريكالارىندا بولدى. ەكسكۋرسيا كەزىندە كاسىپورىنداردىڭ جۇمىس بارىسىمەن، ونداعى ماماندارمەن جاقىنىراق تانىسىپ قايتتى.
الداعى ۋاقىتتاردا دا جاستار ورتالىعى جوبا اياسىندا وقۋشىلارمەن ماماندىق تاڭداۋدا باعىت-باعدار بەرۋدى جالعاستىرا بەرمەك. ويتكەنى، بولاشاقتاعى كاسىبي ماقساتىنا دۇرىس باعىت العان وقۋشى بويىنداعى قارىم قابىلەتىن شىعارماشىلىقپەن دامىتا بىلسە ساپالى مامان رەتىندە قالىپتاساتىنى بەلگىلى.
