بۇگىن اقپاراتتىق-كوممۋنيكاتسيالىق ورتالىعىندا وتكەن بريفينگتە قازاقستان رەسپۋبليكاسى اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ شىمكەنت قالاسى بويىنشا اۋماقتىق ينسپەكتسيا باسشىسى ابدىباقىت ماقۇلباەۆ وسىمدىكتەر كارانتينى مەن وسىمدىكتەردى قورعاۋ سالاسى بويىنشا 2022 جىلدىڭ 8 ايىندا اتقارىلعان جۇمىستارى تۋرالى باياندادى.
«ينسپەكتسيا بويىنشا جىل باسىنان جەكە جانە زاڭدى تۇلعالارمەن ەكسپورتقا كارانتينگە جاتقىزىلعان 150791 توننا ءونىم شىعارىلدى. سونداي-اق، قالا اۋماعىنا كەلگەن ونىمدەرگە ەكىنشى كارانتيندىك، فيتوسانيتاريالىق 3301 باقىلاۋ-قاداعالاۋ جۇمىستارى جۇرگىزىلىپ، اكتىلەر تولتىرىلىپ، ءتيىستى جۇمىستار جۇرگىزىلدى. شىمكەنت قالاسى بويىنشا اۋماقتىق ينسپەكتسياسىنا كارانتينگە جاتقىزىلعان اۋىل شارۋاشىلىعى ونىمدەرىن ەكسپورتقا شىعارۋعا جانە وبلىس ارالىق تاسىمالداۋ ءۇشىن سەرتيفيكاتتار الۋعا 3969 وتىنىمدەر كەلىپ ءتۇستى، سونىڭ 2811 فيتوسانيتاريالىق، 836 كارانتيندىك سەرتيفيكاتتار بەرىلدى، 316 وتىنىمدەرگە ءۋاجدى باس تارتۋ جاسالدى.»-دەدى سپيكەر.
ينسپەكتسيانىڭ مەملەكەتتىك ينسپەكتورلارى كارانتينگە جاتقىزىلعان ونىمدەردى باقىلاۋ-قاداعالاۋ جۇمىستارى جۇرگىزۋ كەزىندە 17 جاعدايدا كارانتيندىك وبەكت-كاليفورنيالىق قالقانشالى سىمىرى انىقتالعان. سونىڭ 2 جاعدايدا باتىس گۇل تريپسىنە سوت شەشىمىمەن جويۋ جۇمىستارى جۇرگىزىلگەن.
بۇدان بولەك، شىمكەنت قالاسى اكىمدىگىنىڭ 2022 جىلعى 8 ساۋىردەگى № 563 قاۋلىسىمەن 55,83 گەكتاردا كارانتيندىك ايماقتار بەلگىلەندى. سونىڭ ىشىندە 42,22 گەكتارى جاتاعان ۋ كەكىرە، 13,58 گەكتارى ارامسوياۋ، 0,03 گەكتارى شىعىستىڭ جەمىس جەمىرى.
قالا اۋماعىندا كارانتيندىك وشاقتاردىڭ تارالۋىن بولدىرماۋ ماقساتىندا قر اشم اوك ميك «رەسپۋبليكالىق فيتوسانيتاريالىق دياگنوستيكا جانە بولجامدار ادىستەمەلىك ورتالىعى» رمم-ءنىڭ شىمكەنت قالاسى بويىنشا فيليالىنىڭ زەرتتەۋ جۇمىستارى بويىنشا 27 نۇسقاما بەرىلىپ، جويۋ جۇمىستارى جۇرگىزىلىپ، ۋاقىتىلى ورىندالعان.
سونداي-اق، زياندى جانە اسا قاۋىپتى زياندى ورگانيزمدەرگە قارسى 26 690 گا القاپقا باقىلاۋ جۇمىستارى جۇرگىزىلىپ 1250 گا القاپتا ساياق شەگىرتكەسىمەن زالالدانعان القاپقا ۋلى حيميكات احيللەس ك.ە 0,1-0,15 ل/گا قولدانىلىپ جويۋ شارالارى جۇرگىزىلدى
