بۇگىن قالا اكىمى مۇرات ايتەنوۆ تۇران شاعىن اۋدانىنداعى ينفراقۇرىلىم جۇيەلەرىنىڭ قۇرىلىس بارىسىن تەكسەرىپ، حالىقپەن كەزدەستى.
تۇران شاعىن اۋدانىن ساپالى ەلەكتر قۋاتىمەن قامتۋ جۇمىستارى بىلتىردان بەرى قارقىندى جۇرگىزىلۋدە.
جالپى قۇرىلىس بارىسى 2 كەزەڭگە جوبالانعان. بۇگىنگە دەيىن 86% ورىندالىپ، قالعان جۇمىس قازان ايىندا تولىق اياقتالادى. ودان سوڭ ابونەنتتەۋ جۇرگىزىلىپ، 3058 تۇتىنۋشى ساپالى ەلەكتر قۋاتىمەن قامتىلادى.
بۇعان قوسا 11,6 شق قۇرايتىن ماگيسترالدىق كارىز كوللەكتورىنىڭ قۇرىلىسى ءبىتتى. قازىرگى تاڭدا ىشكى ورامدىق كارىز جۇيەسى سالىنۋدا، جىل سوڭىنا دەيىن اياقتالاتىن بولادى.
بۇدان سوڭ اكىم تۇرانداعى گاز قۇرىلىسىن تەكسەردى. ەكىنشى كەزەك بويىنشا جۇمىستىڭ 90% ورىندالىپ، قازان ايى باستالعانشا №14-29 كۆارتالدا ورنالاسقان كوپقاباتتى جانە 504 جەكە تۇرعىن ءۇي كوگىلدىر وتىنمەن قامتىلادى.
ال ءۇشىنشى كەزەك بويىنشا، قۇرىلىس جۇمىسى اعىمداعى جىلدىڭ مامىر ايىندا باستالعان. بۇگىنگى كۇنگە 40% اتقارىلدى.
جالپى تۇران شاعىن اۋدانىنداعى 2554 تۇرعىن ۇيگە 2023 جىلى گاز قۇبىرى تولىق تارتىلىپ بىتەدى. جۇمىستاردىڭ جوسپارعاي ساي جانە ساپالى ورىندالۋىن تالاپ ەتكەن قالا باسشىسى جاۋاپتى مەكەمەلەرگە ناقتى تاپسىرمالار بەردى.
