Búgin qala ákimi Murat Áıtenov Turan shaǵyn aýdanyndaǵy ınfraqurylym júıeleriniń qurylys barysyn tekserip, halyqpen kezdesti.
Turan shaǵyn aýdanyn sapaly elektr qýatymen qamtý jumystary byltyrdan beri qarqyndy júrgizilýde.
Jalpy qurylys barysy 2 kezeńge jobalanǵan. Búginge deıin 86% oryndalyp, qalǵan jumys qazan aıynda tolyq aıaqtalady. Odan soń abonentteý júrgizilip, 3058 tutynýshy sapaly elektr qýatymen qamtylady.
Buǵan qosa 11,6 shq quraıtyn magıstraldyq káriz kollektorynyń qurylysy bitti. Qazirgi tańda ishki oramdyq káriz júıesi salynýda, jyl sońyna deıin aıaqtalatyn bolady.
Budan soń ákim Turandaǵy gaz qurylysyn tekserdi. Ekinshi kezek boıynsha jumystyń 90% oryndalyp, qazan aıy bastalǵansha №14-29 kvartalda ornalasqan kópqabatty jáne 504 jeke turǵyn úı kógildir otynmen qamtylady.
Al úshinshi kezek boıynsha, qurylys jumysy aǵymdaǵy jyldyń mamyr aıynda bastalǵan. Búgingi kúnge 40% atqaryldy.
Jalpy Turan shaǵyn aýdanyndaǵy 2554 turǵyn úıge 2023 jyly gaz qubyry tolyq tartylyp bitedi. Jumystardyń josparǵaı saı jáne sapaly oryndalýyn talap etken qala basshysy jaýapty mekemelerge naqty tapsyrmalar berdi.
