ماياتاستىڭ يرريگاتسيالىق جۇيەلەرى جاڭارتىلۋدا

663
Adyrna.kz Telegram

بۇگىن شىم شاھار باسشىسى مۇرات ايتەنوۆ قالاعا شالعاي ورنالاسقان ەلدى مەكەندەردىڭ جاڭادان ورناتىلىپ جاتقان يرريگاتسيالىق جۇيەلەرىنىڭ قۇرىلىس بارىسىن تەكسەرىپ، تۇرعىندارمەن كەزدەستى.

سونىڭ ءبىرى - ەڭبەكشى اۋدان اۋماعىنا قارايتىن ماياتاس تۇرعىن الابى. قازىرگى تاڭدا ق.نىسانبايۇلى كوشەسى بويىنا يرريگاتسيالىق ناۋالار ورناتىلۋدا.

جالپى ەڭبەكشى اۋدانى بويىنشا توعىس، ماياتاس، بادام-1 تۇرعىن الاپتارى مەن شاڭىراق شاعىن اۋدانىندا 1,6 شق قۇرايتىن ارىقتار قازىلۋدا. ەكى اي بۇرىن باستالعان جۇمىس قازان ايىندا اياقتالادى.

قۇرىلىس جۇمىستارىنىڭ ساپاسى مەن اۋقىمىن مەجەلەگەن قالا اكىمى بۇعان دەيىن بەرگەن تاپسىرمالارىنىڭ تياناقتى ورىندالۋىن تالاپ ەتتى. ول: “اۋا رايىنىڭ قانداي بولاتىنىن بولجاپ بىلە المايمىز جانە مول جاۋىن-شاشىن جاۋعاندا دايىن بولۋ ءۇشىن اۋماقتاعى ارىز-اتىزدار سالىنىپ ءبىتۋى كەرەك”،-دەدى.

ايتىپ وتەيىك، بىلتىر اۋدان اۋماعىندا 13 مەكەنجايدا 3,3 شق يرريگاتسيالىق ارىقتار ورناتىلدى. ال بيىل جاۋىن-شاشىن شامادان تىس جاۋىپ، 52 مەكەنجايدا سۋ كولدەگەن. سۋ باسۋدى الدىن-الۋ ءۇشىن بىرىنشى كەزەكتە 7,3 شق قۇرايتىن 21 نىسانعا يرريگاتسيالىق جۇيەلەر سالۋ جوسپارلاندى. قازىرگە دەيىن 14 مەكەنجايدا جالپى ۇزىندىعى 5,3 شق بولاتىن ارىقتار ورناتىلىپ، بىتۋگە جاقىن. ولار: قاراباستاۋ ت.ا. بويىت اتا، قاراتوبە ت.ا. گۋلاباد، قاراتوبە ت.ا. ناۋرىز، توعىس ت.ا. كەرۋەنساراي، بادام-1 ت.ا. دوسمەتوۆ، ش.ۋاليحانوۆ №190, قىزعالداق،تەرىسكەي №47, سايرام №38ا، وركەن، ب.مومىشۇلى، ساياجول.

قالعان 31 مەكەنجايعا يرريگاتسيالىق جۇيەلەر 2023-2025 جىلدار ارالىعىندا جۇرگىزىلەدى.

 

پىكىرلەر