Búgin Shym shahar basshysy Murat Áıtenov qalaǵa shalǵaı ornalasqan eldi mekenderdiń jańadan ornatylyp jatqan ırrıgaııalyq júıeleriniń qurylys barysyn tekserip, turǵyndarmen kezdesti.
Sonyń biri - Eńbekshi aýdan aýmaǵyna qaraıtyn Maıatas turǵyn alaby. Qazirgi tańda Q.Nysanbaıuly kóshesi boıyna ırrıgaııalyq naýalar ornatylýda.
Jalpy Eńbekshi aýdany boıynsha Toǵys, Maıatas, Badam-1 turǵyn alaptary men Shańyraq shaǵyn aýdanynda 1,6 shq quraıtyn aryqtar qazylýda. Eki aı buryn bastalǵan jumys qazan aıynda aıaqtalady.
Qurylys jumystarynyń sapasy men aýqymyn mejelegen qala ákimi buǵan deıin bergen tapsyrmalarynyń tııanaqty oryndalýyn talap etti. Ol: “Aýa raıynyń qandaı bolatynyn boljap bile almaımyz jáne mol jaýyn-shashyn jaýǵanda daıyn bolý úshin aýmaqtaǵy aryz-atyzdar salynyp bitýi kerek”,-dedi.
Aıtyp óteıik, byltyr aýdan aýmaǵynda 13 mekenjaıda 3,3 shq ırrıgaııalyq aryqtar ornatyldy. Al bıyl jaýyn-shashyn shamadan tys jaýyp, 52 mekenjaıda sý kóldegen. Sý basýdy aldyn-alý úshin birinshi kezekte 7,3 shq quraıtyn 21 nysanǵa ırrıgaııalyq júıeler salý josparlandy. Qazirge deıin 14 mekenjaıda jalpy uzyndyǵy 5,3 shq bolatyn aryqtar ornatylyp, bitýge jaqyn. Olar: Qarabastaý t.a. Boıyt ata, Qaratóbe t.a. Gýlabad, Qaratóbe t.a. Naýryz, Toǵys t.a. Kerýensaraı, Badam-1 t.a. Dosmetov, Sh.Ýalıhanov №190, Qyzǵaldaq,Teriskeı №47, Saıram №38a, Órken, B.Momyshuly, Saıajol.
Qalǵan 31 mekenjaıǵa ırrıgaııalyq júıeler 2023-2025 jyldar aralyǵynda júrgiziledi.
