شىمكەنتتەگى اباي اۋدانىنا قاراستى كوكبۇلاق ەلدى مەكەنىن ينفراقۇرىلىم جۇيەلەرىمەن قامتۋ جۇمىستارى جالعاسۋدا. قالا اكىمى مۇرات ايتەنوۆ اتقارىلىپ جاتقان قۇرىلىس بارىسىن تەكسەردى.
تۇرعىن الاپقا بىلتىر تولىق وپتيكا جەلىسى تارتىلىپ، ينتەرنەتپەن قامتىلعان.
سونداي-اق 2021 جىلى تۇرعىندار اۋىز سۋ مەن جارىققا 100% قول جەتكىزدى.
ال كوگىلدىر وتىنمەن وسى جىلدىڭ ءىىى توقسانىندا قامتىلاتىن بولادى، قۇرىلىستىڭ 90% اتقارىلعان.
2 390 تۇرعىنى بار كوكبۇلاقتاعى تاعى ءبىر ماسەلە - جولدى اسفالتتاۋ بولاتىن. قازىرگى تاڭدا 9 كوشەنىڭ بەسەۋىنە تاس توسەلسە، تورتەۋى اسفالتتالدى. جالپى بىلتىر 6 شاقىرىمعا شاعال تاس توسەلگەن.
كەلەر جىلى اعىبەك اتا، ۇركىنباي اتا، جومارت اتا كوشەلەرىنە اسفالت توسەلەدى. ال 2024 جىلى ماڭلاي اتا مەن جانگەلدى باتىر كوشەلەرى اسفالتتالاتىن بولادى.
قوعامدىق كولىك ماسەلەسى شەشىلگەن،№146 جانە №180 مارشرۋتتارى قويىلعان.
بۇدان بولەك، بىلتىر 2, بيىل 1 بالالار الاڭشاسى پايدالانۋعا بەرىلدى.
تۇرعىنداردىڭ ءوتىنىشى بويىنشا وسى جىلى 800 م ەسبول قاجى كوشەسى جارىقتاندىرىلدى.
قۇرىلىس نىساندارىن ارالاي ءجۇرىپ، جەرگىلىكتى تۇرعىندارمەن كەزدەسكەن اكىم باسقا دا پروبلەمالارعا كوڭىل اۋدارىپ، ونىڭ شەشىلۋ جولدارىن جاۋاپتى باسقارما باسشىلارىنا تاپسىرمالار جۇكتەدى.
