Shymkenttegi Abaı aýdanyna qarasty Kókbulaq eldi mekenin ınfraqurylym júıelerimen qamtý jumystary jalǵasýda. Qala ákimi Murat Áıtenov atqarylyp jatqan qurylys barysyn tekserdi.
Turǵyn alapqa byltyr tolyq optıka jelisi tartylyp, ınternetpen qamtylǵan.
Sondaı-aq 2021 jyly turǵyndar aýyz sý men jaryqqa 100% qol jetkizdi.
Al kógildir otynmen osy jyldyń III toqsanynda qamtylatyn bolady, qurylystyń 90% atqarylǵan.
2 390 turǵyny bar Kókbulaqtaǵy taǵy bir másele - joldy asfalttaý bolatyn. Qazirgi tańda 9 kósheniń beseýine tas tóselse, tórteýi asfalttaldy. Jalpy byltyr 6 shaqyrymǵa shaǵal tas tóselgen.
Keler jyly Aǵybek ata, Úrkinbaı ata, Jomart ata kóshelerine asfalt tóseledi. Al 2024 jyly Mańlaı ata men Jangeldi batyr kósheleri asfalttalatyn bolady.
Qoǵamdyq kólik máselesi sheshilgen,№146 jáne №180 marshrýttary qoıylǵan.
Budan bólek, byltyr 2, bıyl 1 balalar alańshasy paıdalanýǵa berildi.
Turǵyndardyń ótinishi boıynsha osy jyly 800 m Esbol qajy kóshesi jaryqtandyryldy.
Qurylys nysandaryn aralaı júrip, jergilikti turǵyndarmen kezdesken ákim basqa da problemalarǵa kóńil aýdaryp, onyń sheshilý joldaryn jaýapty basqarma basshylaryna tapsyrmalar júktedi.
