شىمكەنت قالاسىنداعى "تاۋەلسىزدىك" ساياباعىندا قالا جاستارى "مەن ەلىمدى سۇيەمىن" اكتسياسىن وتكىزدى.
رەسپۋبليكالىق چەللەندج اياسىنداعى اكتسياعا جوو ستۋدەنتتەرى، بەلسەندى جاستار قاتىستى.
اكتسيا مەملەكەت باسشىسىنىڭ جولداۋىن ىسكە اسىرۋ، ساياسي شەشىمدەرىن قولداۋ، جاستار اراسىندا ناسيحاتتاۋدى ماقسات ەتكەن. جينالعان جاستار ەلىمىزدىڭ جالاۋشالارىن قالا تۇرعىندارىنا، قوناقتارىنا تاراتىپ، ۆيكتورينالىق سۇراقتار قويدى.
- ەلىمىزدىڭ جاستارى وزدەرىن ۇلتجاندىمىن دەپ ۇعىنىپ، ءون بويلارىندا ۇلتتىق نامىسىن جوعارى قويۋ كەرەك. قازاق جاستارى تاۋەلسىز ەلدىڭ ايقىن ماقساتتارىمەن جىگەرلەنىپ، تەك قانا العا ۇمتىلۋى ءتيىس. قازاقستاننىڭ جارقىن بولاشاعى – ءبىزدىڭ، قازاق جاستارىنىڭ قولىندا!، - دەدى ورتالىق باسشىسى ماعجان يساحوۆ.
قالالىق جاستار رەسۋرستىق ورتالىعى جولداۋدى جۇزەگە اسىرۋدا جوو ستۋدەنتتەرىنە ارنايى كەزدەسۋلەر ۇيىمداستىرۋدا. قوعام قايراتكەرلەرى، ءماسليحات دەپۋتاتتارى، عىلىم، ءبىلىم سالاسىندا جەتىستىككە جەتكەن ازاماتتار ءوز تاجىريبەلەرىمەن بولىسۋدە.
