Almaty qalasynyŋ äkımı Halyqaralyq qarjy korporasiiasynyŋ (HQK) ökılderımen kezdestı, dep habarlaidy "Adyrna" tılşısı.
Şaraǧa Taiau Şyǧys, Ortalyq Aziia, Türkiia, Auǧanstan jäne Päkıstan boiynşa Halyqaralyq qarjy korporasiiasynyŋ Öŋırlık vise-prezidentı Hela Şeihrou, Ortalyq Aziia boiynşa Halyqaralyq qarjy korporasiiasy Öŋırlık ökıldıgınıŋ basşysy Kassandra Kolbert, Qazaqstandaǧy Halyqaralyq qarjy korporasiiasy Öŋırlık ökıldıgınıŋ basşysy Ekaterina Bendjamin jäne basqalar qatysty.
HQK ökılderınıŋ aituynşa, Almaty Ortalyq Aziiadaǧy öŋırlık investisiialyq hab bolyp tabylady. Ūiym megapolistıŋ äleumettık- ekonomikalyq damuyna yqpal etedı, mūndaǧy basty baǧyttar – qarjy sektory, agrobiznes, infraqūrylym, klimattyq jäne ekologiialyq investisiialar.
HKQ tehnikalyq-ekonomikalyq ırı jobalardy odan ärı nesieleu üşın (TEN) 500 myŋ AQŞ dollarynböludı ūsyndy. Grant aǧymdaǧy jyldyŋ soŋyna deiın kelıp tüsedı. Qala äkımı Erbolat Dosaevtyŋ aituynşa, Almaty damytu Baǧdarlamasy aiasynda qalanyŋ su resurstary men su şaruaşylyqtary nysandaryn jüielı basqarudy ūiymdastyru jönındegı äleuettı joba qaramstyrylǧan.
Kezdesu barysynda Erbolat Dosaev sondai-aq jasyl obligasiialar men tūraqty damu, IT-hab pen venchurlık qorlardy qūru bölıgınde Almaty qalasynyŋ äleuettı investisiialyq jobalaryn qosa qarjylandyruǧa HQK qatysuǧa qyzyǧuşylyq bıldırdı. Kezdesu qorytyndysy boiynşa taraptar özara tiımdı ärıptestıktı nyǧaituǧa kelıstı.
HQK-men belsendı ekıjaqty yntymaqtastyqtyŋ arqasynda türlı investisiialyq jobalar, sonyŋ ışınde Almaty halyqaralyq äuejaiy, "BAKAD" memlekettık-jekemenşık jobasy jäne t.b. damydy.
HQK-sy Düniejüzılık banktıŋ enşıles ūiymy, eŋ ırı jahandyq damu instituty, onyŋ qūramyna 185 qatysuşy el kıredı. Qazaqstan 1993 jylǧy 30 qyrküiekte ūiymnyŋ tolyqqandy müşesı boldy.
Ūqsas jaŋalyqtar
