جۋرناليست جانەركە ءجۇنىس ءوزىنىڭ فەيسبۋك پاراقشاسىندا قازاق قوعامىندا قالىپتاسقان احۋالدى ءسوز ەتىپ، قازاق ءتىلىنىڭ قولدانىسىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
"كافەدە وتىرمىن. وڭ جاعىمدا ەكى قازاق ماشينا جايلى سويلەسۋدە، ورىس تىلىندە. سول جاعىمدا ەكى قازاق پاتەرگە قاتىستى قور تۋرالى اڭگىمە ايتىپ وتىر. ورىس تىلىندە... ورتادا ءتورت تۇرىك. الماتىنىڭ اۋا رايىن، كۇننىڭ سۋىقتىعىن اڭگىمە ايتىپ تۇر. تۇرىك تىلىندە... ءوز ەلىمدە، ءوز جەرىمدە، ءوز ءتىلىمدى ەستي الماي مەن وتىرمىن... نە دەگەن نامىسسىز قوعام قۇردىق. ميىم جەتپەدى", - دەدى جۋرناليست.
ءجۋرناليستىڭ وزەك ورتەر جازباسىنا پىكىر ءبىلدىرىپ، قازاق ءتىلىنىڭ قۇدىرەتىنە قاتىستى قۋاندىراتىن، ويلاندىراتىن، نامىسىڭدى جوناتىن ءسوز ايتقاندار كوپ.
"الەمدە ءوز تىلىندە سويلەۋدەن ۇيالاتىن بىزدەن باسقا سورلى ۇلت جوق شىعار", "قازاق ءتىلىن ناعىز تەكتىلەردى دارالاپ تۇراتىن، قوعامنىڭ برەندىنە اينالدىرۋ ءسىز بەن ءبىزدىڭ پارىزىمىز.اراپقۇل دا، ورىسقۇل دا ەندى ەشقاشان تولىق قاندى قازاق قوعامىنىڭ مۇشەسى بولا المايدى، وكىنىشكە وراي. بولاشاق قازاق تىلىندە، ول انىق نارسە. بىراق ۋاقىت پەن كوپ ەڭبەك كەرەك.ەڭ باستىسى مەم. ءتىلدى قورعايتىن زاڭ كەرەك", "ەمى ۇزاققا سوزىلاتىن دەرت بولىپ تۇر. ونىڭ يممۋنيتەتى قاتاڭ زاڭ جانە قازاعىمنىڭ بىرلىگى. نامىستى، ءور مىنەزدى ازاماتتار قاتارى تولىسا بەرسىن. دەنىمىزگە ساۋلىق دەرتىمىزگە شيپا بەرسىن!" دەپ پىكىر ءبىلدىردى وقىرماندار.
