شەتەلدىكتەردىڭ قازاقستاندا قالۋ مەرزىمى قىسقاردى

2648
Adyrna.kz Telegram
فوتو: tengrinews.kz
فوتو: tengrinews.kz

شەتەلدىكتەردىڭ قازاقستاندا قالۋ مەرزىمى قىسقاردى. بۇل تۋرالى ىشكى ىستەر مينيسترلىگى يمميگرانتتاردىڭ قازاقستانعا كىرۋ جانە ەلدە قالۋ ەرەجەلەرىنىڭ قالاي وزگەرەتىنىن ءتۇسىندىردى، دەپ حابارلايدى “ادىرنا” ۇلتتىق پورتالى.

يمميگرانتتاردىڭ قازاقستانعا كەلۋ جانە ەلدە قالۋ ەرەجەسىنە ەنگىزىلگەن وزگەرتۋلەرگە سايكەس، قازاقستانعا كىرۋ ءۇشىن ۆيزا تالاپ ەتىلمەيتىن شەتەلدىكتەر ەلدە 30 كۇن بولا الادى. بىراق 180 كۇن (التى اي) ىشىندە ولاردىڭ جالپى بولۋ مەرزىمى 90 كۇننەن اسپاۋى كەرەك.

"قازاقستانعا كەلگەن ەاەو ازاماتتارى 180 كۇن ىشىندە تەك 90 كۇن عانا رەسپۋبليكا ايماعىندا بولا الادى.  ەرەجەنىڭ الدىڭعى نۇسقاسىندا بۇل ماسەلە شەشىلمەگەن بولاتىن. شەتەلدىكتەر ەل اۋماعىندا بولۋ مەرزىمى اياقتالعاننان كەيىن قازاقستاننان شىعىپ، قايتا كىرە الاتىن ەدى. قازىر بۇل شارتتارعا وزگەرىس ەنگىزىلدى", – دەپ اتاپ ءوتتى مينيسترلىك.

جاڭا شەكتەۋلەر كەزىندە ۋاقىتشا تۇرۋعا رۇقسات نەمەسە ۆيزا العان شەتەلدىكتەرگە قولدانىلمايتىنى اتاپ ءوتىلدى. باسقارما وسىنداي تالاپتاردىڭ حالىقارالىق تاجىريبەدە دە قولدانىلاتىنىن اتاپ كورسەتەدى. اتاپ ايتقاندا، قازاقستان ازاماتتارى بەلارۋس پەن رەسەي اۋماعىندا 180 كۇن ىشىندە 90 كۇننەن اسپايتىن مەرزىمدە بولا الادى.

سونىمەن بىرگە، "قۇقىقتىق اكتىلەر تۋرالى" زاڭعا سايكەس نورماتيۆتىك قۇقىقتىق اكتىنىڭ كۇشى ول قولدانىسقا ەنگىزىلگەنگە دەيىن كىرگەندەرگە قولدانىلمايدى. ياعني، ەرەجەگە ەنگىزىلگەن وزگەرىستەر 2023 جىلدىڭ 27 قاڭتارىنان باستاپ قازاقستانعا كەلگەن شەتەلدىكتەرگە قاتىستى بولادى.

"ەگەر قازاقستانعا كىرگەن كەزدە بەلگىلەنگەن جانە رۇقسات ەتىلگەن ەل اۋماعىندا قالۋ مەرزىمىنەن اسىپ كەتكەنى انىقتالسا، شەكارا قىزمەتى "حالىقتىڭ كوشى-قونى تۋرالى" زاڭنىڭ 48-بابىنا سايكەس ەلگە كىرۋگە شەكتەۋ قويادى", –  دەپ قورىتىندىلادى مينيسترلىك.

پىكىرلەر