ورال قالاسىنداعى ءنومىرى 38 مەكتەپ-ليتسەيىندە "ازاماتتىق باستامالاردى قولداۋ ورتالىعىنىڭ" قازاقستان جاستارىن الەۋمەتتەندىرۋ جانە دامىتۋ جوباسى جايىندا وقىتۋ شاراسى ءوتتى. جوبانى ۇيىمداستىرۋشى "ادىرنا" ۇلتتىق-ەتنوگرافيالىق بىرلەستىگىنىڭ قىزمەتكەرلەرى ورال قالاسىنداعى بارلىق مەكتەپ ديرەكتورلارىنىڭ تاربيە ءىسى جونىندەگى ورىنباسارلارىنا، ۇستازدارعا جوبانىڭ مازمۇنى مەن ءمانىن، اتقارىلۋ جولدارىن، بالالاردى ىنتالاندىرۋ ءادىس-تاسىلدەرى تۋرالى اڭگىمەلەدى. اتاۋلى جوبا اياسىندا 6 الەۋمەتتىك باعىتتان تۇراتىن بايقاۋدىڭ ەرەجەلەرى دە تانىستىرىلدى.
ورال قالاسى ءبىلىم ءبولىمىنىڭ باسشىسى جانسۇلۋ مەڭەشقىزى ءوز تاراپىنان جوباعا قىزىعۋشىلىق تانىتىپ، بارىنشا قولداۋ كورسەتۋگە تىرىساتىندىعىن جەتكىزدى. ورال قالاسىنىڭ ءبىلىم بولىمىنەن قالالىق مەكتەپتەن بويىنشا جاۋاپتى الەۋمەتتىك مامان بەكىتىلىپ، وعان جۇكتەلەتىن مىندەتتەر ءتۇسىندىرىلدى.
"ادىرنا" ۇلتتىق پورتالى
