باتىس قازاقستان وبلىسىنا قاراستى تەرەكتى اۋدانىنىڭ ورتالىعى فەدوروۆكا اۋىلىندا "ازاماتتىق باستامالاردى قولداۋ ورتالىعىنىڭ" جاستاردى الەۋمەتتەندىرۋ جوباسى جايىندا وقىتۋ شاراسى ۇيىمداستىرىلدى. وندا اۋداننىڭ ۇستازدار قاۋىمى، بەلسەندى جاستار، اۋداندىق ءبىلىم ءبولىمى وكىلدەرى قاتىسىپ، ادىرنا - ۇلتتىق-ەتنوگرافيالىق بىرلەستىگى ۇيىمداستىرىپ باستاعان جوبا جايىندا ماعلۇمات الدى. ۇيىمداستىرۋشىلار جوبا اياسىنداعى بالالار مەن جاستارعا ارنالعان 6 الەۋمەتتىك باعىت بويىنشا وتەتىن بايقاۋدىڭ ەرەجەسىن عانا تانىستىرىپ قويماي، جاس تولقىننىڭ بەلسەندىلىگىن ارتتىرۋ جولدارى مەن ءادىس-تاسىلدەرى تۋرالى دا ايتتى. وبلىستىڭ ءاربىر اۋدانىنان ءبولىم ءبولىمى ادىسكەرلەرى بەكىتىلىپ، جوبا بويىنشا جۇمىسقا تارتىلۋدا. تەرەكتى اۋدانىنان ءبىلىم ءبولىمىنىڭ ادىسكەرى ورىنشا اسقارقىزى اتاۋلى وڭىردەن جوبا بويىنشا الەۋمەتتىك قىزمەت مامانى رەتىندە بەكىتىلدى.
"ادىرنا" ۇلتتىق پورتالى
