الەۋمەتتىك جەلىدە قاراعاندى وبلىسى، سارىشاعان ماڭايىنداعى پريوزەرسك قالاسىنىڭ تۇرعىندارىنىڭ ەكەۋارا اڭگىمە-cۇحباتى جاريالاندى. سۇحبات بەرگەن قالا تۇرعىنى قازاقتاردىڭ قونىس تىگىپ، بۇل مەكەندە ىرگە كەڭەيتىپ جاتقانىن ۇناتا قويمايتىنىن ايتادى. ءوز ويىن اشىق ءبىلدىرىپ، قازاقتاردىڭ وزدەرىنە دەگەن قارىم-قاتىناسىنىڭ بۇزىلعانىن ايىپتايدى. بۇل جايلى "ادىرنا" ۇلتتىق پورتالى جازدى.
- بۇرىندارى جاپ-جاقسى تۇراتىن ەدىك. تۇرعىندار دا ءبىزدىڭ ۇلتتان ەدى. قالانى اشىپ ەدى، قازاقتار قاپتادى. تۇرمىسىمىز كۇرت قيىندادى. سىزدەردىڭ تاراپتارىڭىزدان ءبىزدىڭ تاراپقا دەگەن قارىم-قاتىناس ناشارلادى... قازاقتار ورىستارعا جىلى قاباق تانىتپايدى. ءبىز از قالدىق. ولار دورەكى، ءبىر نارسە سۇراساڭ، بالەگە قالاسىڭ، سىپايىلىقتان جۇرداي، - دەدى تۇرعىن.
سونىمەن قاتار، سۇحبات بەرۋشى رەسەيگە بارىپ، وندا تۇرعا الماي، قايتىپ كەلگەنىن جاسىرمادى. ونىڭ باستى كوزدەگەنى - قازاقستان زەينەتاقىسى. قازاقتى جاقتىرمايتىن قازاق ەلىنىڭ ازاماتى، "باستى كەيىپكەر" قازاق جەرىندە الاڭسىز ءومىرىنىڭ سوڭىنا دەيىن تىرلىك كەشۋدى مۇرات ەتىپ وتىر.
وقىرماندار كەيىپكەردى سىننىڭ استىنا الدى. ونىڭ "ەسىكتەن كىرىپ، ءتور مەنىكى" دەگەن ارەكەتىنە قاتىستى:
"ينتەرناتسيوناليست بولۋ كەرەك دەيدى. ولاردىڭ تۇسىنىگىدە ينتەرناتسيوناليست تەك ورىسشا سويلەۋ كەرەك. قازاقشا سويلەسە ناتسيست بولىپ ەسەپتەلەدى";
"بۇرىن بۇلار وزدەرى يەمدەنىپ ءجۇردى، جابىق زونا بولدى، قازاققا جول جوقتىن ءوز جەرىنە. سەمىرىپ الىپ ايتىپ تۇرعانىن قاراشى مىنانىڭ ەندى. كەتسىن راشاسىنا";
"قازاقشا ۇيرەنىپ، قازاقتاردى سىيلاپ جۇرسەڭ ەشكىم ساعان تيىسپەيدى عوي، وڭباعان-اۋ...";
"پريوزەرسك تاستاندى قالا، جۇرەگىڭ اۋىرادى. 90 جىلداردىڭ جاعدايى ەسىڭە تۇسەدى" دەپ جازدى جەلى قولدانۋشىلارى.
"ادىرنا" ۇلتتىق پورتالى
