فرانتسيانىڭ مىڭداعان ازاماتى ەل پرەزيدەنتى ەممانۋەل ماكرون جوسپارلاعان زەينەتاقى رەفورماسىنا نارازىلىق ءبىلدىردى، دەپ حابارلايدى «ادىرنا» ءتىلشىسى.
بىرنەشە قالادا ءوتىپ جاتقان دەمونستراتسياعا مۇعالىمدەر، ستۋدەنتتەر، تەمىرجولشىلار، اۆتوبۋس جۇرگىزۋشىلەرى مەن اتوم ەنەرگەتيكاسى كاسىپورىندارىنىڭ قىزمەتكەرلەرى قاتىستى.
فرانتسۋز كاسىپوداقتارىنىڭ وكىلدەرى بيلىكتەن جالاقىنى كوتەرۋدى، ينفلياتسيامەن كۇرەستە بەلسەندى ارەكەت ەتۋدى جانە ەنەرگەتيكالىق كومپانيالاردىڭ ۇستەمە پايداسىنىڭ ءبىر بولىگىن قىزمەتكەرلەردى قولداۋعا باعىتتاۋدى تالاپ ەتىپ وتىر. ولار سونداي-اق زەينەتكەرلىك جاستى 62-دەن 65 جاسقا دەيىن كوتەرۋ تۋرالى وزگەرىستى قولدامايتىندارىن جەتكىزدى.
