بۇگىن سىرىم اۋدانىندا باتىر، قولباسشى سىرىم داتۇلىنىڭ 280 جىلدىعى مەن كورنەكتى مەملەكەت جانە ۇلت قايراتكەرى، الاش زيالىسى جاھانشا دوسمۇحامەدوۆتىڭ تۋعانىنا 135 جىل تولۋىنا وراي قازاق كۇرەسىنەن ءىى رەسپۋبليكالىق "الاش بارىسى" ءتۋرنيرى ءوتتى.
"الاش بارىسى" - سىرىم اۋدانىنىڭ ءتول جوباسى. بۇگىندە ءۇشبۋ جوبا دەڭگەي جاعىنان ءوستى ءارى قازاق كۇرەسىنىڭ دامۋىنا ءدۇمپۋ بەرگەن "قازاقستان بارىسى" ءتۋرنيرىنىڭ انالوگىنا اينالىپ كەلەدى. بۇگىن جىمپيتىداعى الىپتار ايقاسىنا باتىسقازاقستاندىق تەمىرلان كولباي، نۇرىمجان عابباسوۆ، نۇربول سەرىكوۆ، اتىراۋدان سۇڭعات زاكاريا، قىزىلوردا وڭىرىنەن نۇرىم سالىمگەرەەۆ سياقتى حالىقارالىق دارەجەدەگى سپورتشىلاردىڭ قاتىسۋى وسىنى كورسەتەدى.
بىراق ۇيىمداستىرۋشىلار ارىستار اۋىلىندا وتكەن دودانىڭ دەڭگەيى رەسپۋبليكالىق ەكەنىن ۇمىتپاعان، كەرىسىنشە سول بيىكتىكتى ۇستاۋعا تىرىسقان. بالۋانداردىڭ بىرەگەي فورماسى، ارنايى پرەسس - كونفەرەنتسيا، جارق - جۇرق ەتكەن جارىق، ساپالى دىبىس، كوممەنتاتور مەن تىكەلەي بەينەترانسلياتسيا، قاجەت جاعدايدا ەكراننان بەينە قايتالاۋ - جىمپيتىداعى كۇرەس تويىنىڭ ايشىعى.
شارانىڭ سالتاناتتى اشىلۋىنا سىرىم اۋدانىنىڭ اكىمى تولەگەن تورەعاليەۆ، باتىس قازاقستان وبلىسىنداعى قازاق كۇرەسى اسسوتسياتسياسىنىڭ پرەزيدەنتى اسەت سۇلتانۇلى قاتىستى.
- ماقسات - كەيىنگى بۋىندى الاش رۋحىمەن رۋحتاندىرۋ. - دەدى شارانىڭ ءمان - ماڭىزى تۋرالى اۋدان اكىمى. ال، اسەت سۇلتانۇلى: - كۇرەس سيپاتىنداعى سپورتتىڭ ءتۇبى قازاق كۇرەسىنەن باستالادى. ال، جايىق كۇرەسىنىڭ ءتۇبى - سىرىم ەلى. - دەپ باعا بەردى.
بەلدەسۋلەر وتە تارتىستى ءوتتى. بالۋاندار "الاش بارىسى" دەگەن بەدەرى بار التىن بەلدىكتى ۇتۋ ءۇشىن بوزكىلەمدە بارىن سالدى. كۇرەسسۇيەر اعايىننىڭ قيقۋى ولارعا دەم بەرگەندەي.
سونىمەن، كوپتىڭ تاعاتىن تاۋىسقان تۋرنير قورىتىندىسى تومەندەگىدەي.
وگىز پالۋان:
🥉ادىلبەك سەيىسوۆ (بورلى اۋدانى) 100 000₸
🥈تابيعات ماعاۋياۇلى (اتىراۋ وبلىسى) 200 000₸
🥇نۇرىمجان عابباسوۆ (سىرىم اۋدانى - "الاش بارىسى" 300 000₸
تۇيە پالۋان:
🥉سۇڭعات زاكاريا (اتىراۋ وبلىسى) 300 000₸
🥈تەمىرجان كولباي ء(بورلى اۋدانى) 500 000₸
🥇تەمىرلان كولباي ء(بورلى اۋدانى) - "الاش بارىسى" 800 000₸
باۋىرجان شيرمەدينۇلى،
سىرىم اۋدانى
سۋرەتتەردى تۇسىرگەن: ايجان امانگەلدينا
