Búgin Syrym aýdanynda batyr, qolbasshy Syrym Datulynyń 280 jyldyǵy men kórnekti memleket jáne ult qaıratkeri, Alash zııalysy Jahansha Dosmuhamedovtyń týǵanyna 135 jyl tolýyna oraı qazaq kúresinen II respýblıkalyq "ALASh BARYSY" týrnıri ótti.
"ALASh BARYSY" - Syrym aýdanynyń tól jobasy. Búginde úshbý joba deńgeı jaǵynan ósti ári qazaq kúresiniń damýyna dúmpý bergen "QAZAQSTAN BARYSY" týrnıriniń analogyna aınalyp keledi. Búgin Jympıtydaǵy alyptar aıqasyna batysqazaqstandyq Temirlan Kólbaı, Nurymjan Ǵabbasov, Nurbol Serikov, Atyraýdan Suńǵat Zakarııa, Qyzylorda óńirinen Nurym Sálimgereev sııaqty halyqaralyq dárejedegi sportshylardyń qatysýy osyny kórsetedi.
Biraq uıymdastyrýshylar Arystar aýylynda ótken dodanyń deńgeıi respýblıkalyq ekenin umytpaǵan, kerisinshe sol bıiktikti ustaýǵa tyrysqan. Balýandardyń biregeı formasy, arnaıy press - konferenııa, jarq - jurq etken jaryq, sapaly dybys, kommentator men tikeleı beınetranslıaııa, qajet jaǵdaıda ekrannan beıne qaıtalaý - Jympıtydaǵy kúres toıynyń aıshyǵy.
Sharanyń saltanatty ashylýyna Syrym aýdanynyń ákimi Tólegen Tóreǵalıev, Batys Qazaqstan oblysyndaǵy qazaq kúresi assoıaııasynyń Prezıdenti Áset Sultanuly qatysty.
- Maqsat - keıingi býyndy Alash rýhymen rýhtandyrý. - dedi sharanyń mán - mańyzy týraly aýdan ákimi. Al, Áset Sultanuly: - Kúres sıpatyndaǵy sporttyń túbi qazaq kúresinen bastalady. Al, Jaıyq kúresiniń túbi - Syrym eli. - dep baǵa berdi.
Beldesýler óte tartysty ótti. Balýandar "ALASh BARYSY" degen bederi bar altyn beldikti utý úshin bozkilemde baryn saldy. Kúressúıer aǵaıynnyń qıqýy olarǵa dem bergendeı.
Sonymen, kóptiń taǵatyn taýysqan týrnır qorytyndysy tómendegideı.
Ógiz palýan:
🥉Ádilbek SEIISOV (Bórli aýdany) 100 000₸
🥈Tabıǵat MAǴAÝIIaULY (Atyraý oblysy) 200 000₸
🥇Nurymjan ǴABBASOV (Syrym aýdany - "ALASh BARYSY" 300 000₸
Túıe palýan:
🥉Suńǵat ZAKARIIa (Atyraý oblysy) 300 000₸
🥈Temirjan KÓLBAI (Bórli aýdany) 500 000₸
🥇Temirlan KÓLBAI (Bórli aýdany) - "ALASh BARYSY" 800 000₸
Baýyrjan ShIRMEDINULY,
Syrym aýdany
Sýretterdi túsirgen: Aıjan AMANGELDINA
