قازاقستاندا 200-دەن اسا جاڭا ماماندىق پايدا بولۋى ىقتيمال. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ايتتى، دەپ حابارلايدى «ادىرنا» ۇلتتىق پورتالى.
Halyq Uni سايتىنىڭ اقپاراتىنا سايكەس، ۆەدومستۆو باسشىسى بولاشاقتا جاڭا داعدىلارعا قاجەتتىلىك تۋىندايتىنىن اتاپ ءوتتى.
جاڭا كاسىپتەر مەن قۇزىرەتتەر اتلاسىنا سايكەس، جاقىن ارادا قازاقستاندا 239 جاڭا ماماندىق پايدا بولۋى مۇمكىن. وسىعان بايلانىستى بۇگىننەن باستاپ بولاشاق كاردلاردى الدىن الا دايىنداي بەرۋ قاجەت، - دەدى مينيستر ۇكىمەت وتىرىسىندا.
ونىڭ ايتۋىنشا، ءبىلىم بەرۋ جۇيەسى مەن ەڭبەك نارىعىنداعى بايلانىستى قامتاماسىز ەتۋ ءۇشىن ۇلتتىق بىلىكتىلىك جۇيەسى دامىتىلادى.
كاسىپتىك بىلىكتىلىك تۋرالى» زاڭ قابىلداندى. ءتيىستى تسيفرلىق پلاتفورما ىسكە قوسىلدى. بۇگىندە 623 كاسىپتىك ستاندارت قابىلداندى، ولار 3 مىڭعا جۋىق كاسىپكە قاتىستى جۇمىس بەرۋشىلەردىڭ تالاپتارىن ايقىندايدى. 2025 جىلعا دەيىن تاعى 400 كاسىپتىك ستاندارت ازىرلەنەدى. قولدانىستاعى كاسىپتىك ستاندارتتار نەگىزىندە تەحنيكالىق جانە كاسىپتىك ءبىلىم بەرۋ ۇيىمدارى دەڭگەيىندە 4,1 مىڭ ءبىلىم بەرۋ باعدارلاماسى ەنگىزىلدى، – دەدى سۆەتلانا جاقىپوۆا.
ءسوز سوڭىندا مينيستر ستۋدەنتتەردىڭ وندىرىستىك تاجىريبەسىنەن ءوتۋ جانە تۇلەكتەردى جۇمىسقا ورنالاستىرۋ ەلەكتروندىق ەڭبەك بيرجاسى ارقىلى ىسكە اسىرىلاتىنىن جەتكىزدى.
«ادىرنا» ۇلتتىق پورتالى
