«ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامىنىڭ بقو بويىنشا فيليالىنىڭ ديرەكتورى نادير قۇرىمباەۆتىڭ ايتۋىنشا، ورالداعى حقكو-لارعا ەلدە ۋاقىتشا بولاتىن شەتەلدىكتەر مەن ازاماتتىعى جوق ادامدارعا «جەكە سايكەستەندىرۋ ءنومىرىن قالىپتاستىرۋ» مەملەكەتتىك قىزمەتى بويىنشا ازاماتتاردىڭ كوپتەپ كەلۋى بايقالادى.
– ءبىزدىڭ وبلىس بويىنشا 16 حالىققا قىزمەت كورسەتۋ ءبولىمى جۇمىس ىستەيدى، ونىڭ ىشىندە 2-ءۋى ورال قالاسىندا. ەڭ الدىمەن، ازاماتتارىمىزدىڭ مەملەكەتتىك قىزمەتتەردى الۋىنا قولايلى جاعداي جاساۋ ءۇشىن ءبىز شەتەلدىكتەردى جامبىل كوش. 81/2 مەكەنجايى بويىنشا ورنالاسقان №1 حقو-ندا قابىلداۋدى ءجون كوردىك. كليەنتتەردىڭ شامادان تىس جينالۋىن بولدىرماۋ ءۇشىن يساتاي-ماحامبەت كوش. 84 مەكەنجايىندا ورنالاسقان №2 حقو-ندا ءبىزدىڭ قالا مەن وبلىس ازاماتتارىنىڭ مەملەكەتتىك قىزمەتتەردى الۋىنا كەدەرگى كەلتىرمەۋگە جاعداي جاسالدى. بۇل رەتتە، مەملەكەتتىك قىزمەتتەردى №1 حقو-نان العىسى كەلەتىن جەرگىلىكتى تۇرعىندارعا مەملەكەتتىك قىزمەت ءبىرىنشى كەزەكتە كورسەتىلەدى. مەملەكەتتىك قىزمەت كورسەتۋدە ەشقانداي پروبلەمالىق ماسەلەلەر ورىن العان جوق. كۇنى بۇگىندە جسن الاتىن رەسەيلىك ازاماتتاردى تەك جاڭگىر حان 160/4 مەكەنجايىندا قابىلدايدى. قازىرگى حقو بولىمدەرىنە جولىعۋشى رەسەي ازاماتتارىنىڭ باسىم بولىگى جسن الۋعا ءوتىنىش بەرۋدە. جسن الۋ ءۇشىن شەتەلدىكتەردەن جەكە باسىن كۋالاندىراتىن قۇجات تالاپ ەتىلەدى. ال كورسەتىلەتىن قىزمەتتى الۋشىنىڭ رەسمي وكىلى جۇگىنگەن جاعدايدا نوتاريالدى كۋالاندىرىلعان سەنىمحات پەن ءوتىنىشى قاجەت بولادى، – دەيدى نادير شامۇراتۇلى.
شەتەلدىكتەر ءۇشىن جسن كۋالىگىن بەرۋ مەرزىمى – 1 جۇمىس كۇنىن قۇرايدى. جسن الۋ تەگىن.
كليەنتتەر «ءموبيلدى حقو» قوسىمشاسى، eGov mobile, EgovKzBot2.0 تەلەگرام-بوتى، eGov ەلەكتروندى ۇكىمەت پورتالى جانە 1414 بىرىڭعاي بايلانىس ورتالىعى ارقىلى حقو-عا كەزەككە تۇرۋ ءۇشىن الدىن الا تاپسىرىس بەرە الادى. «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بقو بويىنشا فيليالى جاعدايدى رەتتەۋ ءۇشىن بارلىق مۇمكىندىكتەردى قاراستىرۋدا. سونداي-اق، قىزمەت الۋشىلاردان ۋاقىتشا قولايسىزدىقتارعا تۇسىنىستىكپەن قاراۋدى سۇرايدى.
