«Azamattarǵa arnalǵan úkimet» memlekettik korporaııasy» kommerııalyq emes akıonerlik qoǵamynyń BQO boıynsha fılıalynyń dırektory Nadır Qurymbaevtyń aıtýynsha, Oraldaǵy HQKO-larǵa elde ýaqytsha bolatyn sheteldikter men azamattyǵy joq adamdarǵa «jeke sáıkestendirý nómirin qalyptastyrý» memlekettik qyzmeti boıynsha azamattardyń kóptep kelýi baıqalady.
– Bizdiń oblys boıynsha 16 halyqqa qyzmet kórsetý bólimi jumys isteıdi, onyń ishinde 2-ýi Oral qalasynda. Eń aldymen, azamattarymyzdyń memlekettik qyzmetterdi alýyna qolaıly jaǵdaı jasaý úshin biz sheteldikterdi Jambyl kósh. 81/2 mekenjaıy boıynsha ornalasqan №1 HQO-nda qabyldaýdy jón kórdik. Klıentterdiń shamadan tys jınalýyn boldyrmaý úshin Isataı-Mahambet kósh. 84 mekenjaıynda ornalasqan №2 HQO-nda bizdiń qala men oblys azamattarynyń memlekettik qyzmetterdi alýyna kedergi keltirmeýge jaǵdaı jasaldy. Bul rette, memlekettik qyzmetterdi №1 HQO-nan alǵysy keletin jergilikti turǵyndarǵa memlekettik qyzmet birinshi kezekte kórsetiledi. Memlekettik qyzmet kórsetýde eshqandaı problemalyq máseleler oryn alǵan joq. Kúni búginde JSN alatyn reseılik azamattardy tek Jáńgir han 160/4 mekenjaıynda qabyldaıdy. Qazirgi HQO bólimderine jolyǵýshy Reseı azamattarynyń basym bóligi JSN alýǵa ótinish berýde. JSN alý úshin sheteldikterden jeke basyn kýálandyratyn qujat talap etiledi. Al kórsetiletin qyzmetti alýshynyń resmı ókili júgingen jaǵdaıda notarıaldy kýálandyrylǵan senimhat pen ótinishi qajet bolady, – deıdi Nadır Shamuratuly.
Sheteldikter úshin JSN kýáligin berý merzimi – 1 jumys kúnin quraıdy. JSN alý tegin.
Klıentter «Mobıldi HQO» qosymshasy, eGov mobile, EgovKzBot2.0 telegram-boty, eGov elektrondy úkimet portaly jáne 1414 Biryńǵaı baılanys ortalyǵy arqyly HQO-ǵa kezekke turý úshin aldyn ala tapsyrys bere alady. «Azamattarǵa arnalǵan úkimet» memlekettik korporaııasynyń BQO boıynsha fılıaly jaǵdaıdy retteý úshin barlyq múmkindikterdi qarastyrýda. Sondaı-aq, qyzmet alýshylardan ýaqytsha qolaısyzdyqtarǵa túsinistikpen qaraýdy suraıdy.
